Ақкөлде қос азаматтығы бар 23 жастағы қыз ұсталды

© РИА НовостиРоссийский паспорт
Российский паспорт - Sputnik Қазақстан, 1920, 21.01.2023
Жазылу
НовостиTelegram
АСТАНА, 21 қаңтар – Sputnik. Ақмола облысында көші-қон полициясы қос азаматтығы бар қызды анықтады. Ол Қазақстан төлқұжатымен бірге Ресей азаматтығын алған, деп хабарлайды Polisia.kz.
Ақкөл қаласының 23 жастағы тұрғыны 2019 жылы Ресейге оқуға түсіп, сол елдің азаматтығын алған. Бірақ Қазақстанға келгеннен кейін тиісті мемлекеттік органдарға хабар бермеген. Заң бойынша қос азаматтыққа тыйым салынған. Ондай жағдайда Қазақстан азаматтығынан айыруға құжат тапсырылады.
Ресей азаматтығын алған қызға қатысты Әкімшілік құқық бұзушылық туралы кодекстің 496-бабы 2-бөлігі бойынша әкімшілік хаттама рәсімделді. Санкцияға сәйкес, құқық бұзушыға 200 АЕК (690 000 теңге) мөлшерінде айыппұл салынады немесе Қазақстан аумағынан шығарып жібереді. Қазіргі кезде барлық материал сотқа жіберілді.
Жаңалықтар
0