ҰҚШҰ Арменияда әскери оқу-жаттығулар өткізбеу туралы ресми хабарлама алған жоқ

© PhotoАрхивтегі фото
Архивтегі фото
 - Sputnik Қазақстан, 1920, 11.01.2023
Жазылу
Әскери маневрлер биыл Арменияда өтуі керек еді
АСТАНА, 11 қаңтар – Sputnik. Ұжымдық қауіпсіздік шарт ұйымының хатшылығы әзірге Ереваннан Армениядағы "Мызғымас бауырластық-2023" оқу-жаттығуларын өткізбеу туралы ресми хабарлама алған жоқ, деп хабарлады ҰҚШҰ баспасөз қызметі.
"Біз Армения Республикасындағы бүгінгі қалыптасқан жағдайға түсіністікпен қараймыз. Елдегі қазіргі ахуал биылғы жылы жоспарланған ҰҚШҰ бітімгершілік оқу-жаттығуларын толықтай өткізуге мүмкіндік бермейді", - деп жазылған ұйымның хабарламасында.
Аталған оқу-жаттығуларды биыл Армения жерінде өткізу қажеттігі бұған дейін Ереванда расталған болатын.
Ведомстводағылар ҰҚШҰ хатшылығы мен бірлескен штабы Ұйымның жарғылық органдары бекіткен әскерді жауынгерлік даярлау жоспарларының толық көлемде орындалуын қамтамасыз ету үшін бар күш-жігерін салып жатқанын мәлімдеді.
Бұған дейін Армения билігі республика 2023 жылы осы елде ҰҚШҰ оқу-жаттығуларын өткізуді орынсыз деп санайтынын мәлімдеген.
ҰҚШҰ-ға Армения, Беларусь, Қазақстан, Қырғызстан, Ресей және Тәжікстан кіреді. 2023 жылы ҰҚШҰ төрағалығы Беларуське өтті. Сондай-ақ биыл Беларусь аумағында ҰҚШҰ-ның оқу-жаттығулары өтеді деп жоспарланғаны белгілі.
Жаңалықтар
0