Елорда тынысы

Астанада сатушыны байлап, дүкен тонаған 3 ер адам ұсталды

© AP Photo / Patrick SemanskyКісен
Кісен - Sputnik Қазақстан, 1920, 09.01.2023
Жазылу
НовостиTelegram
АСТАНА, 9 қаңтар – Sputnik. Астаналық полицейлер дүкен тонап жүрген қарақшылар тобын ұстады, деп хабарлайды Polisia.kz.
Үш ер адам түнгі сағат 01.35-те Затаевич көшесіндегі дүкенге кірген. Үшеуі де медициналық маска мен қолғап киіп алған.
Бас кезінде тауар сатып алатын адам ұқсап, сөредегі азық-түлікті қарап жүрген. Ал кассаға жақындағаннан кейін біреуі сатушы әйелге тап беріп, аузын қолымен жапқан. Сосын жәбірленушінің қол-аяғын скотчпен байлап тастаған.
Қарақшылар кассадан 100 мың теңгені ұрлап кетті. Полицейлер алдымен бейнебақылау камераларын қарап шықты. Күдіктілер қашып бара жатқанда күртеше мен ұрланған өнімдерді лақтырып кеткен.
Соған қарамастан, 23, 27 және 32 жастағы үш ер адам жатақханалардың бірінде ұсталды. Заттай дәлелдер тәркіленді. Үшеуі де уақытша ұстау изоляторына қамалды.
Қазіргі кезде сотқа дейінгі тергеу шаралары басталды. Олардың басқа да осыған ұқсас қылмыстарға қатысы бар-жоғы тексеріліп жатыр.
Жаңалықтар
0