Солтүстік Қазақстанда бензинмен пеш жаққан ер адам өрттен көз жұмды

© Photo : pixabay.comӨрт, иллюстративті фото
Өрт, иллюстративті фото - Sputnik Қазақстан, 1920, 05.01.2023
Жазылу
АСТАНА, 5 қаңтар – Sputnik. Солтүстік Қазақстан облысында жаңа жылдың алғашқы күнінде екі ер адам өрттен қаза тапты. Олардың бірі төсекте темекі шексе, екіншісі пешті бензинмен жаққан.
Облыстық төтенше жағдайлар департаменті басшысының орынбасары, азаматтық қорғаныс полковнигі Дмитрий Растихиннің хабарлауынша, жаңа 2023 жылдың басынан бері Солтүстік Қазақстан облысының аумағында сегіз өрт оқиғасы тіркелді, өрт кезінде екі адам қаза тапты.
"1 қаңтарда таңғы уақытта Қызылжар ауданы Бескөл ауылында жеке тұрғын үйден өрт шығып, өрт орнынан 1977 жылы туған ер адамның мәйіті табылды. Алдын ала болжам бойынша ер адам төсекте темекі шеккен", - деді Растихин.
Дәл осы күні кешкі сағат 20:00 шамасында Петропавлда Рабочий ауылында жеке тұрғын үйден өрт шығып, 1989 жылы туған ер адам қайтыс болды.
"Куәгерлердің айтуынша, ер адам досымен бірге пеш жағу үшін бензин қолданып, ол тұтанып кеткен. Соның салдарынан бір адам аман қалып, екіншісі қайтыс болды. Болжам бойынша көз жұмған екі азамат та мас болған. Сот-медициналық сараптама тағайындалды", - деді Дмитрий Растихин.
Өрт сөндірушілер жаңа жылдық мерекелер кезінде алкогольді ішімдіктерді тұтыну салдарынан пиротехникалық бұйымдарды абайсыз пайдалану, пештерді, газдағы тамақты қараусыз қалдыру жағдайы арта түсетінін айтты.
2022 жылы Солтүстік Қазақстан облысының аумағында 695 өрт тіркелді, өрт салдарынан 38 адам қаза тапты, 30 адам дене жарақатын алды.
Жаңалықтар
0