Әлем

Тоқаев Рим папасы Францискке көңіл айтты

© Sputnik / Сергей КимАрхивтегі сурет
Архивтегі сурет - Sputnik Қазақстан, 1920, 01.01.2023
Жазылу
АСТАНА, 1 қаңтар – Sputnik. Қазақстан президенті Қасым-Жомарт Тоқаев Рим папасы Францискке көңіл айту жеделхатын жолдады, деп хабарлайды Ақорда.
Мемлекет басшысы өзінің жеделхатында Рим папасы XVI Бенедикттің өмірден озғаны туралы суыт хабарды терең күйзеліспен қабыл алғанын жеткізді.
"Католик шіркеуінің бұрынғы көшбасшысын әлемге танымал рухани қайраткер, бейбітшілік пен өзара түсіністікті, гуманизм идеяларын ілгерілету жолында қажырлы еңбек сіңірген ұлы тұлға деп білеміз. Адамзат баласына аманат етілген құндылықтарды қорғауға айтарлықтай үлес қосқан Аса Қасиетті XVI Бенедикттің жарқын бейнесі әлем жұртшылығының жадында мәңгі сақталады. Қаралы сәтте қайғыларыңызға ортақтасып, Қазақстан халқының және жеке өзімнің атымнан күллі католик қауымына көңіл айтамын", – деп жазылған жеделхатта.
Бұрынғы Рим папасы XVI Бенедикт 95 жасында қайтыс болды.
Жаңалықтар
0