Балалар орталығының қызметі бір жылда 11%-ке өсті

© Sputnik / Тимур БатыршинКішкентай қыз
Кішкентай қыз - Sputnik Қазақстан, 1920, 29.12.2022
Жазылу
НовостиTelegram
АЛМАТЫ, 29 желтоқсан — Sputnik. Биыл қараша айының қорытындысы бойынша балаларды дамыту орталықтары қызметінің құны 11,3%-ке өсті. Әсіресе, Жамбыл облысындағы ата-аналардың қалтасы қағылды. Бұл облыста баға бір жылда 39,3%-ке дейін көтерілген.
Сондай-ақ, Солтүстік Қазақстан 36,4%-ке, ал Түркістан облысында балабақша құны 35,1%-ке көтерілді.
Балабақшасы арзан аймақ - Алматы облысы, мұнда баға не бәрі 1,1%-ке көтерілген.
Energyprom.kz мәліметі бойынша, мектепке дейінгі білім беру саласындағы қызмет көлемі үштен бірге өсті.
Қызмет көлемі ең көп өңірлер:
Түркістан облысында - 21 миллиард теңге, жылдық өсім 41,9%
Екінші орында Алматы -17,2миллиард теңге, яғни 44,9%
Үшінші орында Жамбыл облысы - 13,4 миллиард теңге, өсім 31,5%.
Биыл қызмет көрсету көлемінің ең көп өсімі елордада (69,5%-ке, 12,9 млрд теңгеге дейін), ең азы - Қарағанды облысында (4,3%-ке, 7,5 млрд теңгеге дейін) тіркелді.
Мектепке дейінгі ұйымдарға негізінен мемлекеттік кәсіпорындар қызмет көрсетеді. Үшінші тоқсандағы көрсеткіш бойынша 90,9 миллиард теңге болды. Бұл былтырғымен салыстырғанда 29,7%-ке артық.
Жеке кәсіпорындарға 67,2 миллард теңге (жылына 36,3%), шетелдік кәсіпорындарға — 508,5 миллион теңге (54,7%) тиесілі.
Жаңалықтар
0