Оқиға

Ақтөбеде балалар мінген шағын автобус аударылды: бір бала көз жұмды

© Photo : МВД РКБалалар мінген микроавтобус апатқа ұшырады
Балалар мінген микроавтобус апатқа ұшырады - Sputnik Қазақстан, 1920, 18.12.2022
Жазылу
НовостиTelegram
АСТАНА, 18 желтоқсан – Sputnik. Ақтөбеде жаттықтырушы мен балалар мінген шағын автобус жол апатына ұшырады. Өкінішке қарай, бір бала қаза болды, деп хабарлайды Polisia.kz .
Қайғылы оқиға 17 желтоқсан күні Ақтөбе-Болгарка-Шұбарқұдық тасжолының 68 шақырымында болды. Темір ауданының 32 жастағы тұрғыны басқарған "Toyota Estima" автокөлігі аударылған.
Көлік ішінде 11 адам, оның ішінде 2010-2011 жылдары туған 9 бала болған. Олар Шұбарқұдық ауылынан Ақтөбе қаласына волейболдан жарысқа қатысу үшін шыққан.
"Салдарынан бір бала оқиға орнында көз жұмды, қалған 8 бала Ақтөбе қаласындағы облыстық балалар ауруханасына жеткізілді", - делінген хабарламада.
Полиция заңнамаға сәйкес балаларды тасымалдау кезінде полицейлердің ілесіп жүруі үшін белгіленген мерзімге дейін 3 тәулік бұрын өтінім беру қажет екенін еске салды.
Жаңалықтар
0