ЛРТ құрылысы екі-үш жылда аяқталады – Қасымбек

© Sputnik / Владислав ВодневАстана LRT жобасының бағаны
Астана LRT жобасының бағаны - Sputnik Қазақстан, 1920, 12.12.2022
Жазылу
НовостиTelegram
АСТАНА, 12 желтоқсан – Sputnik. Астананың жаңа әкімі Жеңіс Қасымбек ЛРТ құрылысы қашан аяқталатынын айтты, деп хабарлайды Sputnik Қазақстан тілшісі.
"ЛРТ қаржыландыру мерзіміне байланысты екі-үш жылдың ішінде аяқталады", - деді Жеңіс Қасымбек үкіметтің кеңейтілген отырысынан кейін.
Бұған дейін елорда әкімдігі LRT желілерінде арқалықтар мен қадаларды монтаждау жұмыстары жыл соңына дейін аяқталатынын мәлімдеген еді.
2023 жылы темірбетон конструкцияларды орнатуға кірісіп, инженерлік желілерді толықтай жүргізу жоспарланып отыр. Қазірдің өзінде 40 жиналмалы арқалық құрастырылған.
Айта кетері, Астанадағы LRT құрылысын жалғастыруға үкімет биыл күзде 20 млрд теңге бөлді.
Бұған дейін жерүсті метро құрылысын аяқтауға 577 млн доллар қажет екені хабарланған болатын.
Жаңалықтар
0