Ресей мен Қазақстан арасындағы тауар айналымы 10 пайызға өсті – Лавров

© Photo / Медиабанкке өтуСергей Лавров
Сергей Лавров - Sputnik Қазақстан, 1920, 11.12.2022
Жазылу
АСТАНА, 11 желтоқсан – Sputnik. Батыс елдерінің санкцияларына қарамастан Қазақстан мен Ресей арасындағы сауда-саттыққа ешқандай зиян келген жоқ. ЕАЭО елдері арасындағы сауда осы жылдың он айында 10%-ға өсті, деп хабарлады Ресей сыртқы істер министрі Сергей Лавров "Хабар 24" телеарнасына берген сұхбатында.
РФ СІМ басшысы ЕАЭО-дағы тауар айналымының көрсеткіштері "осы жылдың алғашқы он айында 2021 жылдың сәйкес кезеңіндегі деңгейде сақталғанын, тіпті сәл жоғарылағанын" атап өтті.
"Қазақстанмен екіжақты сауда-саттықта осы жылдың қаңтар-қазан айларында тауар айналымы шамамен 10%-ға өсті, бұл жыл сайын шамамен 22 млрд долларды құрайды деген сөз", - деді Сергей Лавров.
Лавров сонымен қатар газ саласындағы ынтымақтастықты, атап айтқанда, Ресей, Қазақстан және Өзбекстан арасында "үш жақты" газ жобасын іске асыру жоспарын атап өтті.
"Қазір Ресей, Қазақстан және Өзбекстан арасында "үш жақты" газ жобасын құру бастамасы талқыланып жатыр. Сарапшылар, әсіресе Батыста бұл саяси немесе геосаяси "ойын" екенін бірден айта бастады. Бұл жерде ешқандай "ойын" жоқ. Ресей, Қазақстан және Өзбекстан – ортақ газ тасымалдау жүйесі бар көршілер және газбен қамтамасыз ету жүйесінің бұзылмауына мүдделі", - деді РФ сыртқы істер министрі.
Жаңалықтар
0