Тоқаев пәтер ұтып алған шенеунікті жаңа қызметке тағайындады

© Sputnik / Владислав ВодневАқорда ғимараты
Ақорда ғимараты - Sputnik Қазақстан, 1920, 09.12.2022
Жазылу
НовостиTelegram
АСТАНА, 9 желтоқсан – Sputnik. Мемлекет басшысының өкімімен Ғабидулла Оспанқұлов президент әкімшілігі мемлекеттік бақылау және аумақтық-ұйымдастыру жұмысы бөлімінің меңгерушісі лауазымына тағайындалды, деп хабарлады Ақорданың ресми сайты.
Бұған дейін Оспанқұлов бөлім меңгерушісінің орынбасары қызметін атқарды. Мемлекеттік инспектор болды.
Ол екі жыл бұрын ақпарат және қоғамдық даму министрі қызметін атқарып жүргенде астанадағы ірі құрылыс компаниясы ойнатқан пәтерді ұтып алған болатын.
Сол кезде Sputnik Қазақстан тілшісіне сұхбат берген Оспанқұлов жеке пәтері жоқ екенін, туыстарының үйінде тұрып жатқанын айтты. Ал құрылыс компаниясынан 4 бөлмелі пәтер сатып алғанда жыл сайынғы ұтысқа қатысқан. Одан тағы бір бөлмелі пәтер ұтып алды. Бірақ шенеунік ол үйдің есебінен ипотекасын жабуға шешім қабылдады.
"Ұтып алған пәтерімді алмайтын болдым. Компаниядан пәтердің бағасын есептеп, ипотекаға алған пәтердің құнынан сол соманы алып тастауды сұрадым. Ай сайын 300 мың теңге кредит төлеп отырмын. Бұл ұтысымды ешкіммен бөлісе алмаймын, бұл Құдайдың менің отбасыма берген мүмкіндігі", - деді Оспанқұлов.
Жаңалықтар
0