Алтай Көлгінов премьер-министрдің орынбасары болды
09:25 09.12.2022 (жаңартылды: 09:40 09.12.2022)
© Sputnik / Владислав Воднев
Жазылу
АСТАНА, 9 желтоқсан – Sputnik. Астананың бұрынғы әкімі Алтай Көлгінов үкімет басшысының орынбасары қызметіне тағайындалды.
"Мемлекет басшысының жарлығымен Алтай Сейдірұлы Көлгінов Қазақстан Республикасы премьер-министрінің орынбасары лауазымына тағайындалды", - делінген жарлық мәтінінде.
Көлгінов үш жылдан астам уақыт Астананы басқарды. Күні кеше оның орнына елорда басшысы болып Жеңіс Қасымбек келді.
Алтай Көлгінов туралы не білеміз
Алтай Көлгінов 1978 жылы 15 қаңтарда Түркістанда туған.
А. Яссауи атындағы халықаралық қазақ-түрік университетін, ҚР президенті жанындағы мемлекеттік басқару академиясын, "Болашақ" бағдарламасы бойынша Ұлыбританияның Абердин университетін тәмамдаған. Мамандығы – заңгер.
Еңбек өтілі
2001-2008 жылдары әділет министрлігі, мемлекеттік қызмет істері агенттігі және бас прокуратура органдарында түрлі лауазымда қызмет атқарды;
2003-2007 жылдары – мемлекеттік қызмет істері агенттігінің Астана қаласы бойынша басқарма басшысының орынбасары;
2007-2008 жылдары – әділет министрлігі заң актілерін жасақтау және талдау басқармасының басшысы;
2008-2010 жылдары – "АлашМедиаГрупп" компаниясы бас директорының орынбасары;
2010-2012 жылдары – Қазақстан президенті әкімшілігі аймақтық-ұйымдастыру және мемлекеттік бақылау жұмыстары бөлімінің мемлекеттік инспекторы;
2012-2013 жылдары – Батыс Қазақстан облысы әкімінің орынбасары;
2013-2016 жылдары – Орал қаласының әкімі;
2016-2019 жылдары – Батыс Қазақстан облысының әкімі;
2019 жылдың маусымынан бүгінге дейін Астана қаласының әкімі болды.
