Петропавлда магистральді жөндеуге байланысты өшірілген барлық үйге жылу берілді

CC0 / pixabay.com / Кот на решетке радиатора отопления, иллюстративное фото
Кот на решетке радиатора отопления, иллюстративное фото - Sputnik Қазақстан, 1920, 05.12.2022
Жазылу
НовостиTelegram
АСТАНА, 5 желтоқсан – Sputnik. Петропавлда жылу магистраліне жөндеу жүргізу үшін ажыратылған үйлерге қайтадан жылу берілді, деп хабарлайды Sputnik Қазақстан тілшісі.
Еске салсақ, жексенбі күні жылу магистраліндегі технологиялық ақауға байланысты 16 көпқабатты үйде, сондай-ақ 42 жеке үйде жылу сөнді.
Петропавл жылу желілері" ЖШС мамандары сағат 10-да жөндеу жұмыстарын бастады.
"15 жылу магистралінде жөндеу жұмыстары аяқталды. Бұрын ажыратылған азаматтардың үйлеріне жылу келе бастады. Айта кету керек, температуралық режимді толық қалпына келтіруге екі-үш сағат қажет. Қазіргі уақытта жылу трассасы тұрақты жұмыс істеп тұр", - деді кеше кешке "Севказэнерго" АҚ баспасөз қызметі.
Әлеуметтік желілерде түнге жақын батареялар әлі де салқын болуына қатысты шағымға кәсіпорынның баспасөз қызметі жөндеу жұмыстары жүргізіліп жатқан жылу магистралінің өте үлкен екенін айтты.
"Жұмыстарды жүргізу үшін жылумен жұмысшылар бір сағаттан астам суды ағызды. Дәнекерлеу мүмкіндігін қамтамасыз ету қажет болды. Сағат 16:00-де жүйе тола бастады, режимді қалпына келтіруге уақыт қажет. Барлығы штатты режимде жүріп жатыр", - деп мәлімдеді баспасөз қызметіндегілер.
Сондай-ақ, қалалық тұрғын үй-коммуналдық шаруашылық бөлімі 15 жылу магистралі толтырылғаннан кейін көпқабатты тұрғын үйлердің жылу жүйесіне кірмеуі үшін ауа шығарылғанын, бұл да уақытты қажет еткенін айтты.
Жаңалықтар
0