Магистратура грантын тағайындау конкурсына құжат қабылдау қашан басталады

© Sputnik / Болат ШайхиновАрхивтегі фото
Архивтегі фото - Sputnik Қазақстан, 1920, 04.12.2022
Жазылу
НовостиTelegram
АСТАНА, 4 желтоқсан – Sputnik. 6 желтоқсанда магистратураға білім гранттарын тағайындау конкурсына қатысу үшін құжат қабылдау басталады.
Ол 12 желтоқсанға дейін жоғары оқу орындарының қабылдау комиссиялары, оның ішінде виртуалды қабылдау комиссиялары арқылы жүзеге асырылады, деп хабарлады Ғылым және жоғары білім министрлігі.
"Барлығы 8 мыңнан астам адам магистратураға түсу үшін емтихан тапсырды. Олардың 40%-ға жуығы шекті балл жинады. Орташа көрсеткіш – 69 балл. Ең жоғары балл – 127", - делінген хабарламада.
Кешенді тестілеу өткізу барысында 80 қатысушының нәтижесі жойылды. Оның ішінде 32 оқуға түсуші смартфон, шпаргалка және басқа да тыйым салынған заттарды алып өтуге тырысқаны үшін тест тапсыру мүмкіндігінен айырылды. Кешенді тестілеу кезінде ережелерді бұзғаны үшін аудиториядан 48 адам шығарылып, олардың нәтижесі жойылды.
Магистратурада оқуға арналған білім беру гранттары кешенді тестілеу нәтижелері бойынша конкурстық негізде беріледі.
Грант конкурсына құжаттарды қабылдау 6-12 желтоқсан аралығында жоғары оқу орындарының қабылдау комиссиялары, оның ішінде онлайн виртуалды комиссиялар арқылы жүзеге асырылады. Яғни, болашақ магистранттар құжаттарды дәстүрлі және онлайн форматта тапсыра алады.
Конкурсқа қатысу үшін төмендегі құжаттарды тапсыру қажет:
жеке куәліктің көшірмесі;
жоғары білімі туралы құжат (диплом және қосымшасы);
КТ сертификаты және бар болған жағдайда шет тілін меңгергендігін растайтын халықаралық сертификаттар;
075/у нысанындағы медициналық анықтаманы жоғары оқу орнына түскенде тапсыруға болады.
"Құжаттарды тапсыру кезінде оқуға түсуші білім беру бағдарламаларының бір тобын және үш жоғары оқу орнын көрсетеді. Магистратураға білім беру грантын тағайындау конкурсы 15-25 желтоқсан аралығында өтеді. Магистратураға түсушілер 4 мыңға жуық мемлекеттік білім грантына үміткер бола алады", – деп хабарлады министрлікке қарастыҰлттық тестілеу орталығының директоры Руслан Емелбаев.
Магистратураға білім беру гранты иегерлерінің тізімі Ұлттық тестілеу орталығының сайтында және әлеуметтік желілерінде жарияланады.
Жаңалықтар
0