Қазақстанда бір жарым миллионға жуық адамның 1,4 трлн теңге өтелмеген қарызы бар

© Sputnik / Абзал Калиевкалькулятор
калькулятор - Sputnik Қазақстан, 1920, 01.12.2022
Жазылу
НовостиTelegram
Қаржы министрлігі проблемалық қарыздар мәселесін шешу үшін жеке тұлғалардың банкроттығы туралы заң жобасын әзірледі
АСТАНА, 1 желтоқсан – Sputnik. Қаржы вице-министрі Ержан Біржанов банктер мен микроқаржы ұйымдарынан алған несиесін өтей алмай жүрген азаматтар туралы статистиканы бөлісті, деп хабарлайды Sputnik Қазақстан тілшісі.
"Осы жылдың 1 қазанындағы жағдай бойынша 1 миллион 400 мыңнан астам қазақстандықтың 1 триллион 450 миллиард теңге қарызы бар. Олар 90 күннен асқан қарыз болып есептеледі", - деді Біржанов орталық коммуникациялар қызметінде өткен баспасөз мәслихатында.
Айтуынша, осы санаттағы азаматтардың жағдайын жақсарту үшін "Жеке тұлғалардың банкроттығы туралы" заң жобасы әзірленді.
"Осы азаматтардың ішінде 5 жылдан астамы қарызы бар 365 мың адам бар. Олардың берешегі бүгінгі таңда 504 млрд теңгені құрайды. Бұл статистика халықтың проблемалық қарыздарын заңнамалық реттеу қажеттілігін көрсетіп отыр", - деді вице-министр.
Заң жобасын қаржы министрлігі әзірлеген. Бұл құжатты дайындауға халықтың шамадан тыс кредиттік ауыртпашылығы мен жалпы азаматтардың едәуір бөлігінің қаржылық жағдайының нашарлауы түрткі болды, деп атап өтті Біржанов.
Оқи отырыңыз: Банкроттық туралы заң: кредиттен қалай құтылуға болады
Жаңалықтар
0