Ресейліктер - Sputnik Қазақстан, 1920, 28.02.2022
Ресейдің Украинадағы арнайы әскери операциясы

Артемовск маңында қақтығыс үдеді

© Sputnik / Константин Михальчевский / Медиабанкке өтуРабота расчетов артиллерийских установок "Акация" на Запорожском направлении
Работа расчетов артиллерийских установок Акация на Запорожском направлении - Sputnik Қазақстан, 1920, 30.11.2022
Жазылу
НовостиTelegram
Украинаның Артемовск гарнизоны жедел қоршау және толық жою жағдайына жақындады. Өйткені осы және басқа аудандардағы ресейлік әскердің негізгі міндеті Украина Қарулы күштерін демилитаризациялау болып табылады. Екінші жағынан, Киев режимі Бахмутты (2014 жылы Артемовск деп атауын өзгерткен) "Украина үшін басты шайқастың ошағы" деп санап, ресейлік арнайы әскери операцияның барысы, мақсаты мен әлеуеті туралы жаңылысып отыр. Ал Батыста осы жағдайға қатысты әлдеқайда шынайы бағалаулар пайда болды, деп жазды ресейлік әскери шолушы Александр Хроленко.
28 қарашада ДХР басшысы Денис Пушилин ресейлік әскердің "тікелей Артемовск маңында" сәтті ілгерілеуі туралы хабарлады және "жедел қоршауға алу жағдайы өте жақын" екенін атап өтті.
Украинаның "Айдар" батальоны (Ресей Федерациясында тыйым салынған экстремистік ұйым) қарсы шабуылға шығуға тырысты, бірақ үлкен шығынмен бастапқы орындарына оралды. Нәтижесінде 80 жауынгер, бір танк, үш броньдалған машина, екі пикап жойылды.
"Өткен тәулікте ресейлік әскерлер "Вагнер" жеке меншік әскери компаниямен бірлесіп, қала маңындағы үш ауылды – Озаряновка, Зеленополье және Андреевканы азат етті. Бұл позициялар Константиновка - Артемовск тас жолында атыс бақылауын орнатып, Артемовскті оңтүстіктен қоршауға мүмкіндік береді. Украина Қарулы күштерінің бекінген аймағы қирап жатыр, Киев режимі мұнда күн сайын бір батальоннан айырылып жатыр", - деп жазды Хроленко.
Қолайсыз ауа райы мен лай көшкіні броньдалған техниканы шабуылдарға толықтай пайдалануға мүмкіндік бермейді. Сондықтан артиллерия "Орлан-10" пилотсыз барлау кешендерімен бірлесіп, Артемовскке ілгерілеу жолындағы украин әскерінің позицияларына соққы беретін күшке айналды.
Кеше Украина Қарулы күштері қолбасшылығының өкілі "Бахмут Украина үшін басты шайқастың ошағы болып қала береді. Бұл бағытта жау күніне шамамен 180-200 артиллериялық соққы жасап жатыр" деп мәлімдеді.
Бас қолбасшы Валерий Залужный президент Владимир Зеленскийге Ресейдің артиллериялық атыс тактикасының Украина Қарулы күштеріне ауыр зардап әкеліп жатқаны туралы баяндағаны белгілі. Ал Киев шынайы жағдайды елемей отыр. Оның үстіне кеше Украина сыртқы істер министрі Дмитрий Кулеба НАТО-дан Украина Қарулы күштеріне арналған қару-жарақ өндірісін шұғыл түрде арттыруды сұрады.
АҚШ Украинаға 200 генератор мен дрондарға қарсы пулемет жіберді. Словакия Украина Қарулы күштеріне кеңестік дәуірден қалған 30 дана БМП-1 жаяу әскер машинасын берді. Бұған дейін Ұлыбритания мен Франция Украинаның әуе қорғанысын нығайту үшін қару-жарақ жөнелткен болатын.
"Бірақ пулемет пен зениттік зеңбіректер қанатты зымырандарға қарсы тиімсіз. Алдыңғы шептегі отыз жаяу әскер машинасы бір аптадан-ақ жанып кетеді, ал АПУ үшін ауа-райы болмайды. Егер НАТО елдері әскери өндірісті ұлғайта бастаса, Ресей Федерациясы арнайы әскери операция аймағында өз тактикасын өзгертетіні белгілі", - дейді әскери шолушы.
Артиллериялық шабуылдан басқа, жақын уақытта Украинаның әскери басқару жүйесін және онымен байланысты энергетикалық және логистикалық нысандарды жою Ресей әскерінің басымды мақсаты болады. Хроленконың пікірінше, соңғы уақытқа дейін Украина Қарулы күштерінің логистикалық тораптары қосалқы нысана болып келді. Бірақ 28 қарашада Ресей әскери-ғарыш күштері Днепропетровск облысындағы Моисеевка станциясына шабуыл жасап, жоғары дәлдіктегі қарумен теміржол көлігіне тиеу кезінде Украинаның 17-ші танк бригадасының адам күші мен әскери техникасына соққыға жасады. Кривой Рог жанындағы теміржол магистраліндегі қозғалыс ұзақ уақытқа тоқтап қалды.
Америкалық The National Interest басылымы Киевтің соғыс даласында өз жағдайын тым асыра бағалап отырғанын атап өтті. Ал Bloomberg агенттігінің хабарлауынша, АҚШ Украинадағы қақтығысты барынша пайдаланып үлгерді және қазір басымдықтарды өзгертуді қарастырып жатыр. Американың беделді журналы The American Conservative "Байден әкімшілігі Америка халқына шындықты айтудан бас тартып отыр. Ал ақиқатында Украина жеңіп жатқан жоқ және жеңбейді" деп жазды.
Нәтижесінде, Украина АҚШ армиясы бұған дейін демократия орнатуынан соғыстан зардап шеккен Вьетнам, Ирак, Ауғанстанның баламасына айналды. Ал НАТО-ның Еуропадағы мүшелері Вашингтонның ұстанымынан көңілдері қалып жатыр. Өйткені олар өз экономикасы мен қоғамы үшін салдарының ауырлығын сезініп жатыр.
Жаңалықтар
0