Дін өкілдері қара магиядан қалай қорғануға болатынын айтты

© Sputnik / Кирилл Каллиников / Медиабанкке өтуАрхивтегі фото
Архивтегі фото - Sputnik Қазақстан, 1920, 29.11.2022
Жазылу
НовостиTelegram
АСТАНА, 29 қараша – Sputnik. Әлеуметтік желіде "жігітті жіпсіз байлап беремін, жол ашамын" деген жарнама толып тұр. Жастар оған сеніп, сұраған ақшасын бере салады. Психотерапевтер оның негізгі себебін біледі. Ал дін өкілдері қара магиядан қорғануға болатынын айтады, деп хабарлайды Sputnik Қазақстан AstanaTV арнасына сілтеме жасап.
Бүгінде әлеуметтік желіде балгермін деп білгенін істеп жүргендер көп. Өз қызметі үшін 10-50 мың теңге сұрайды. Ал нәтижесі бір апта мен бір айдың ішінде болады деп сендіреді.
Психотерапевт Лаура Жексембаеваның айтуынша, адамдар өмірден соққы алып, өзегі талғанда, я болмаса, байлығынан айырылып, бақытын жоғалтқанда көріпкелге жиі барады. Осылайша олар басына түскен проблеманы жеңілдетуге тырысады.
"Адам тіректі сырттан іздей бастайды. Яғни, қандай да бір бақсы оған "мен сенің мәселеңді шешіп беремін, көмектесемін" деп үміт сыйлайтын болса, ол адам тез монипуляцияға ұшырап, оның айтқанын істеуге көндігеді", - дейді Жексенбаева.
Ал дін өкілдері сүйгеніңізді құрыққа түсіремін дегендерден аулақ болуға шақырады. Себебі сиқыр жасау адамның өзі үшін өте қауіпті.
"Сиқырлау бар екендігі жайлы осы "Фәлақ" сүресінде де айтылған. Алла тағаладан, "Алла, түйіндерге түйін жасап, адамдарға бір сиқыр жасайтындардың сиқырынан мені сақтай гөр" деген мағына. Сондықтан осы "Фәлақ" сүресін және "Нас" сүресін оқып, сиқырлардан арылуға болады", - дейді Әзірет Сұлтан мешітінің наиб имамы Әділхан Серікбай.
Жаңалықтар
0