https://sputnik.kz/20221129/burabay-men-zerendi-turgyndary-suyq-paterde-zhan-saugalap-zhur-29849935.html
Бурабай мен Зеренді тұрғындары суық пәтерде жан сауғалап жүр
Бурабай мен Зеренді тұрғындары суық пәтерде жан сауғалап жүр
Sputnik Қазақстан
АЛМАТЫ, 29 қараша - Sputnik. Ақмола облысы Бурабай және Оқжетпес кенттері мен Зеренді аудан орталығының тұрғындарының күні қақаған қыста көрпе мен жылытқышқа... 29.11.2022, Sputnik Қазақстан
2022-11-29T19:00+0500
2022-11-29T19:00+0500
2023-08-10T16:55+0500
пәтер
бурабай
https://sputnik.kz/img/07e4/0a/0c/15182596_0:86:3339:1964_1920x0_80_0_0_fffe38d778c6e26298fcfcfee1c7f28c.jpg
АЛМАТЫ, 29 қараша - Sputnik. Ақмола облысы Бурабай және Оқжетпес кенттері мен Зеренді аудан орталығының тұрғындарының күні қақаған қыста көрпе мен жылытқышқа қарап тұр. Ақмола облысы Бурабай ауданы орталығы мен Оқжетпес кенттерінің тұрғындары үйлердегі температура 11-13 градустан жоғары көтерілмейтініне шағымданды. "Оқжетпес, № 8 үй. Екінші жыл қатарынан дәл осындай жағдай. Бізде жылыту маусымы басталғаннан бері пәтерлерде жылу болған жоқ. 37 градус аязда плюс 11 градус қана жылынатын пәтерде қалу қиын", - дейді әлеуметтік желі қолданушылары. Бурабай ауданының әкімдігінің айтуынша, қазандықтағы гидравликалық және температуралық режимдері технологиялық істен шыққан. Бурабай кентінде жергілікті қазандықты 10 Гкал-дан екі қазандыққа кеңейту жобасы жүзеге асырылып жатыр. Сонымен, қазандық ретінде ол Бурабайдың өзін де, Оқжетпесті де жылумен қамтамасыз етеді. Алайда екі кенттің пәтерлері бірден суып кеткен. Аудан әкімдігінің мәліметінше, 1 874 үйде температура төмендеген, оның ішінде екі мектеп пен дәрігерлік амбулатория бар. Қазіргі уақытта Бурабай кентінің пәтерлерінде температуралық режим тұрақтандырылған. Ақмола облысы энергетика және ТКШ басқармасының басшысы Данияр Қуанышбаевтың айтуынша, қазіргі уақытта қазандық штаттық режимде жұмыс істейді. "Жеткізу температурасы +70°C. кері құбыр +60°C, жылумен жабдықтау жүйесі бойынша судың кері жылдамдығы сағатына 1600 текше метр. Қазіргі уақытта барлық технологиялық режимдер қалыпты", - деп атап өтті ведомство басшысы. Кенттегі әлеуметтік нысандар-емхана, кітапхана - +20°C штаттық температуралық режимде жұмыс істейді. Орталық қазандықпен жылынатын Зеренді ауылының тұрғындары да суық үйден мезі болғандарын айтады. "Күні бойы батареялар мұздай, үйдегі су қатып қалды. Сыныптардағы балалар жылытқыштармен бірге отырады. Барлығы ауырды", - деп ашуланды зеренділіктер. Зеренді ауданының әкімдігінде бұл фактісі расталды. Қазіргі уақытта ауылды аудан әкімінің орынбасары, ауылдық округ әкімі, ТКШ бөлімінің басшысы, "Зеренді сервис"жылумен жабдықтау компаниясының директоры құрамындағы жұмыс тобы аралап жүр. Атқарушы органда кейінірек ақпарат беруге уәде етті.
бурабай
Sputnik Қазақстан
media@sputniknews.com
+74956456601
MIA „Rossiya Segodnya“
2022
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
пәтер, бурабай
АЛМАТЫ, 29 қараша - Sputnik. Ақмола облысы Бурабай және Оқжетпес кенттері мен Зеренді аудан орталығының тұрғындарының күні қақаған қыста көрпе мен жылытқышқа қарап тұр.
Ақмола облысы Бурабай ауданы орталығы мен Оқжетпес кенттерінің тұрғындары үйлердегі температура 11-13 градустан жоғары көтерілмейтініне шағымданды.
"Оқжетпес, № 8 үй. Екінші жыл қатарынан дәл осындай жағдай. Бізде жылыту маусымы басталғаннан бері пәтерлерде жылу болған жоқ. 37 градус аязда плюс 11 градус қана жылынатын пәтерде қалу қиын", - дейді әлеуметтік желі қолданушылары.
Бурабай ауданының әкімдігінің айтуынша, қазандықтағы гидравликалық және температуралық режимдері технологиялық істен шыққан.
"Қарашаның соңғы күндеріндегі төмен температура салдарынан қазандықтар күшейтілген режимде жұмыс істеді. Температуралық режимді жоғалтпау үшін жаңа қазандық жабдықтарын қосуға шешім қабылдадық", – деп түсіндірді аудан әкімдігінде.
Бурабай кентінде жергілікті қазандықты 10 Гкал-дан екі қазандыққа кеңейту жобасы жүзеге асырылып жатыр. Сонымен, қазандық ретінде ол Бурабайдың өзін де, Оқжетпесті де жылумен қамтамасыз етеді. Алайда екі кенттің пәтерлері бірден суып кеткен. Аудан әкімдігінің мәліметінше, 1 874 үйде температура төмендеген, оның ішінде екі мектеп пен дәрігерлік амбулатория бар.
Қазіргі уақытта Бурабай кентінің пәтерлерінде температуралық режим тұрақтандырылған. Ақмола облысы энергетика және ТКШ басқармасының басшысы Данияр Қуанышбаевтың айтуынша, қазіргі уақытта қазандық штаттық режимде жұмыс істейді.
"Жеткізу температурасы +70°C. кері құбыр +60°C, жылумен жабдықтау жүйесі бойынша судың кері жылдамдығы сағатына 1600 текше метр. Қазіргі уақытта барлық технологиялық режимдер қалыпты", - деп атап өтті ведомство басшысы.
Кенттегі әлеуметтік нысандар-емхана, кітапхана - +20°C штаттық температуралық режимде жұмыс істейді.
"Кенттегі қазандықтың істен шығуына байланысты температура уақытша төмендеді. Әсіресе тұрғындардың пәтерлеріндегі температураны бақылау күшейтілді. Қазір температура біртіндеп көтеріліп жатыр..Тұрғын үйлердегі пәтерлердің көпшілігінде температура +20°C, кей жерлерде +22°C көрсетіп тұр", - деп толықтырды Бурабай ауданы әкімінің орынбасары Бан Биданов.
Орталық қазандықпен жылынатын Зеренді ауылының тұрғындары да суық үйден мезі болғандарын айтады.
"Күні бойы батареялар мұздай, үйдегі су қатып қалды. Сыныптардағы балалар жылытқыштармен бірге отырады. Барлығы ауырды", - деп ашуланды зеренділіктер.
Зеренді ауданының әкімдігінде бұл фактісі расталды. Қазіргі уақытта ауылды аудан әкімінің орынбасары, ауылдық округ әкімі, ТКШ бөлімінің басшысы, "Зеренді сервис"жылумен жабдықтау компаниясының директоры құрамындағы жұмыс тобы аралап жүр. Атқарушы органда кейінірек ақпарат беруге уәде етті.
