сайлау - Sputnik Қазақстан, 1920, 27.10.2022
Президент сайлауы - 2022
Қазақстанда 20 қарашада кезектен тыс президент сайлауы өтеді.

Тоқаев Қазақстан халқына ант беріп, ресми түрде қызметіне кірісті

Қасым-Жомарт Тоқаев - Sputnik Қазақстан, 1920, 26.11.2022
Жазылу
НовостиTelegram
АСТАНА, 26 қараша – Sputnik. Мемлекет басшысы Қасым-Жомарт Тоқаев президент ретінде Қазақстан халқына ант беріп, ресми түрде қызметіне кірісті, деп хабарлайды Sputnik Қазақстан тілшісі.
Кезектен тыс президент сайлауында басым дауыспен жеңіске жеткен Қасым-Жомарт Тоқаевты ұлықтау рәсімі Астанадағы Тәуелсіздік сарайында өтті.
Инаугурация өтетін залға Қазақстанның мемлекеттік туы мен президент байрағы, сондай-ақ, Конституция салтанатты түрде әкелінді.

Қасым-Жомарт Тоқаев оң қолын Конституцияға қойып: "Қазақстан халқына адал қызмет етуге, Қазақстан Республикасының Конституциясы мен заңдарын қатаң сақтауға, азаматтардың құқықтары мен бостандықтарына кепiлдiк беруге, Қазақстан республикасы президентінің өзiме жүктелген мәртебелi мiндетiн адал атқаруға салтанатты түрде ант етемiн", - деп мемлекеттік тілде Қазақстан халқына ант берді.

Ант бергеннен кейін президент мемлекеттік туды сүйді. Содан соң мемлекеттік әнұран орындалды. Әнұран орындалып жатқан уақытта сырттағы зеңбіректерден оқ атылды. Қазақстан президенті ант берген сәттен бастап ресми түрде қызметіне кіріседі.
Орталық сайлау комиссиясының төрағасы Нұрлан Әбдіров Қасым-Жомарт Тоқаевқа Қазақстан президенті куәлігін табыс етті.
Ант беру рәсіміне парламент депутаттары, үкімет мүшелері, Жоғарғы сот судьялары, сондай-ақ басқа да мемлекеттік органдардың өкілдері қатысты. Президенттің инаугурациясына шет мемлекеттердің басшылары шақырылған жоқ. Салтанатты шараға Қазақстанда аккредиттелген дипломатиялық корпус қана қатысты.
Ұлықтау рәсіміне Тұңғыш президент Нұрсұлтан Назарбаев та келді. Ол 2019 жылы болған инаугурацияға да қатысқан болатын.
© Sputnik / Владислав ВодневҰлықтау рәсіміне Тұңғыш президент Нұрсұлтан Назарбаев та келді
Нурсултан Назарбаев на инаугурации президента Касым-Жомарта Токаева, 26 ноября 2022 года - Sputnik Қазақстан, 1920, 26.11.2022
Ұлықтау рәсіміне Тұңғыш президент Нұрсұлтан Назарбаев та келді
Айта кетері, Қасым-Жомарт Тоқаев Қазақстан президенті қызметіне осымен екінші рет сайланып отыр. Ол мемлекетті 2019 жылдан бері басқарады.
Бұған дейін қаржы министрі Ерұлан Жамаубаев президентті ұлықтау рәсіміне бюджеттен қосымша қаржы бөлінбейтінін мәлімдеген еді.
Кезектен тыс президент сайлауы Қазақстанда 20 қараша күні кезектен тыс президент сайлауы өтті. Жаңа президентті сайлауға 12 миллионға жуық сайлаушының 8,3 миллионы немесе 69,44%-і қатысты. Сайлауға алты кандидат түсті. Республиканың қазіргі президенті Қасым-Жомарт Тоқаев 81,31% дауыспен жеңіске жетті.
Жигули Дайрабаев – 3,42% (271 671 дауыс),
Мейрам Қажыкен – 2,53% (200 907),
Қарақат Әбден – 2,6% (206 206),
Салтанат Тұрсынбекова – 2,12% (168 731),
Нұрлан Әуесбаев – 2,22% (176 116 дауыс) жинады.
Биыл алғаш рет президент сайлауының бюллетеніне "Барлығына қарсымын" бағаны енгізілді. Сайлаушылардың 5,8%-і (460 484 адам) осы тармақты таңдаған.
Айта кетері, жаңа президент жеті жылға және тек бір мерзімге сайланды.
Жаңалықтар
0