Ресейліктер - Sputnik Қазақстан, 1920, 28.02.2022
Ресейдің Украинадағы арнайы әскери операциясы

Артемовск пен Марьинканы азат ету жалғасып жатыр

© Sputnik / Константин Михальчевский / Медиабанкке өтуРабота расчетов артиллерийских установок "Акация" на Запорожском направлении
Работа расчетов артиллерийских установок Акация на Запорожском направлении - Sputnik Қазақстан, 1920, 26.11.2022
Жазылу
НовостиTelegram
Қараша айының басынан бері арнайы әскери операция аймағындағы Ресей әскері басымдыққа ие болып, бірнеше бағытта алға жылжып жатыр, деп жазды ресейлік әскери шолушы Александр Хороленко.
Майданға жұмылдырылғандар есебінен алдыңғы шептің жауынгерлік құрамалары бекітіліп, резервтер құрылды. Украина Қарулы күштерінің қарсы шабуыл жасау бойынша барлық әрекеті Ресей Федерациясының Біріккен күштері мен күштері тобының құрамалары мен бөлімшелерінің атыс және маневрімен тойтарыс беріліп жатыр.
"Арнайы әскери операция аймағындағы жағдай жалпы алғанда тұрақты. Ресей әскері барлық дерлік бағыттарда үстемдік жүргізіп, Донбасста артиллериялық соққылардың қарқындылығын арттырды. Мұнда өздігінен жүретін әрбір артиллериялық қондырғы күніне 90 снарядқа дейін жұмсап отыр. Артемовск пен Марьинканы азат ету аяқталуға жақын және Украина Қарулы күштерінің бөлімшелері үлкен шығынға ұшырап жатыр", - деп жазды Хроленко.
Киев режимі Бахмут деп атауын өзгерткен Артемовск Донбасстың стратегиялық маңызға көлік торабы болғандықтан, мұнда ұзақ уақыт бойы кескілескен шайқас жүріп жатыр. Қала жартылай қоршауда орналасқан, қала шетіндегі бекініс аймағында Украина Қарулы күштерінің 58-ші жеке мотоатқыштар бригадасы қорғанып жатыр. Ресейлік әскери бөлімдер шығыстан алға жылжып, Артемовскті оңтүстіктен қоршауға алып, қарашаның басында Бахмутка өзенінің оң жағалауында қарсыласын талқандады. Артемовск түбінде украин бөлімшелері жеке құрамының 50 проценттен астамын және броньдалған техниканың 70 процентін жоғалтты.
Сарапшының мәліметінше, Украина Қарулы күштерінің 58-ші бригадасының екі мотоатқыштар батальонының әскери қызметшілері қолбасшылықтан жедел көмек сұрап, Киев маңынан сегіз жеке қорғаныс батальонын, сондай-ақ АҚШ армиясының отставкадағы полковнигі Эндрю Милберннің қолбасшылығындағы америкалық "Моцарт" жеке әскери компанияның жалдамалы жасағын қабылдады. Өткен тәулікте Донбаста (Северск пен Славянск маңында) Ресей әскери-ғарыш күштерінің жоғары дәлдіктегі қаруларымен "шетелдік легионның" 100-ден астам жалдамалы жауынгері, сондай-ақ Харьков облысында Украина Қарулы күштерінің құрамындағы тағы 200 поляк "еріктілері" жойылды.
Ресей Қарулы күштерінің бөлімшелері Марьинка қаласының орталығын басып алып, Дружбы даңғылының бойында негізгі позицияларды ұстап, қарсы тарапты батыс орамдарға қарай ығыстырып жатыр. Донецк бағытында Марьинка Украина Қарулы күштерінің маңызды бекініс аудандарының бірі. Тактикалық табысқа қол жеткізген ресейлік әскер Константиновка арқылы Угледарга жетуге ұмтылып жатыр.
"Ресей Қарулы Күштерінің Бас штабы өз жоспарын стратегиялық форматта жүзеге асырып жатыр. Сырттай қарағанда, арнайы әскери операция тапсырмаларының сәттілігі немесе орындалу процентін бағалау қиын. Дегенмен, ресейлік әскер асықпай әрекет етіп, резерв жинақтап жатқанын көріп отырмыз", - деп жазды Хроленко.
Әскери шолушының пікірінше, Украина Қарулы күштерінде қарсы шабуылға арналған стратегиялық резерв жоқ: ұшақтар мен кемелерді айтпағанда қару-жарақ, яғни, артиллерия, броньдалған техника, оқ-дәрі жетіспейтін жүз мыңдаған резервшілер бар. Егер бұған дейін украиналық армия қарсы шабуылдарды танктері бар екі немесе үш батальондық тактикалық топтардың (3000 адамға дейін) күштерімен орындаса, бүгінде броньдалған техникасы жоқ бір немесе екі ротаның (200 адамға дейін) күштерінің әрекеті байқалып отыр.
Киев режиміне әлі де НАТО-ның он мыңдаған 155 миллиметрлі артиллериялық снарядтары жөнелтіліп жатқанымен, қазір АҚШ пен альянстың арсеналдары босап жатқанын ескеру керек. Американың әскери-өнеркәсіптік кешені жылына 30 000-нан аз 155 миллиметрлі снаряд шығарады. Ал украин артиллеристері бұл снарядты екі аптада жұмсаса, Ресей әскері күніне 50 мыңға дейін снарядты пайдаланып отыр. Бұл сандар соғысу күші мен стратегиялық үстемдіктің қай тарапта екенін көрсетеді.
Батыста Украина Қарулы күштеріне арналған қару-жарақ пен оқ-дәрілер таусылып жатыр. Ұлыбритания өткен ғасырдың ортасынан бастап қолданыстан шығарылған Sea King тікұшақтары мен зениттік зеңбіректерді, Франция ескі Crotale зениттік зымыран кешендерін жолдаса, Германия өз қару-жарақ мүмкіндігі төмен екенін ашық мәлімдеді, ал АҚШ әскери-өнеркәсіптік кешен арсеналдарын қалпына келтіруді қолға алды. Al Binaa басылымы Еуропаның украиндық қақтығысты созуға ниеті жоқ екенін, өйткені құрлық рецессия мен газ тапшылығымен бетпе-бет келгенін атап өтті.
Ресей армиясы Украина Қарулы күштерінің әскери басқару жүйесі мен энергиямен жабдықтау нысандарына зымыранмен жаппай соққы жасағаннан кейін Украина жағдайы қиындай түсті. Генерал Сергей Суровикиннің айтуынша, украин әскерлері тамыз-қазан айларында Херсон бағытында шабуыл жасамақ болған кездің өзінд 9 500-ден астам адамнан, 200 танктен, 500 броньдалған машинадан, 50 артиллерия және минометтен, 600 автомобильден айырылған. Ал Ресей шығыны бұдан сегіз есе аз. Беларусь Республикасының президенті Александр Лукашенконың 24 қарашада Украинаны қақтығысты тоқтатуға шақырғаны да кездейсоқ емес.
Әскери шолушы Александр Хроленконың Telegram арнасы.
Жаңалықтар
0