Ер адам әйелін атып тастады: ауыл тұрғындары оқиғаның қалай болғанын айтты

© Sputnik / Айдана ДайыроваАлматы облысында ер адам әйелін атып тастады
Алматы облысында ер адам әйелін атып тастады - Sputnik Қазақстан, 1920, 21.11.2022
Жазылу
НовостиTelegram
АЛМАТЫ, 21 қараша – Sputnik. Алматы облысының Еңбекшіқазақ ауданындағы Ақбастау ауылында ер адам әйелін атып өлтірді. Марқұм ауыл балабақшасының меңгерушісі болып қызмет істеген, деп хабарлайды Sputnik Қазақстан тілшісі.
© Sputnik / Айдана ДайыроваЕрлі-зайыпты тұрған үй
Ерлі-зайыпты тұрған үй - Sputnik Қазақстан, 1920, 21.11.2022
Ерлі-зайыпты тұрған үй
Тыныш жатқан Ақбастау ауылын дүр сілкінткен қайғылы оқиға 19 қарашада болған. 47 жастағы ер адам әйелін 12 жастағы баласы мен көрші балалардың көзінше атып тастаған. Оқиға болған сәтте әйел анасының үйінде болған. Кеуде тұсынан тиген оқтан оқиға орнында жан тапсырған. Аңшы мылтығындағы екінші оқты ер адам өзіне қарата атқанмен, оқ басын жанап өтіп, шашын ғана күйдірген.
© Sputnik / Айдана ДайыроваАқбастау ауылын дүр сілкінткен қайғылы оқиға 19 қарашада болған
Ақбастау ауылын дүр сілкінткен қайғылы оқиға 19 қарашада болған - Sputnik Қазақстан, 1920, 21.11.2022
Ақбастау ауылын дүр сілкінткен қайғылы оқиға 19 қарашада болған
"Төбемізден жай түскендей болды. Дәл мұндай болады деп ойламадық. Өйткені ерлі-зайыпты өте жақсы тұрды. Тәрбиелі отбасы. Ер адам ауылда тракторшы. Елдің бәріне көмектеседі. Ешкімді ренжіткенін көрген емеспіз. Тіпті ол төбелесе алмайтын адам. Сол күні мас болды деп естідік. Ал салынып ішіп, елдің мазасын алғанын естіген емеспіз", - дейді Ақбұлақ ауылының тұрғындары.
Марқұм әйел ауыл балабақшасының меңгерушісі болып қызмет еткен. Үш баласының үлкені 25, кішісі 12 жаста.
"Әйелі 44 жаста. Өте шаруаға пысық адам. Мүмкін отбасында кикілжің болып тұрған шығар, бірақ естіген емеспіз. Күйеуі де сондай тамаша, алтын адам еді. Мүмкін қорқытайын деді ме, кім білсін. Бірақ ер адам ондайды істеуі мүмкін дегенге иланғымыз келмейді", - дейді ақбастаулықтар.
© Sputnik / Айдана ДайыроваАлматы облысында ер адам әйелін атып тастады
Алматы облысында ер адам әйелін атып тастады - Sputnik Қазақстан, 1920, 21.11.2022
Алматы облысында ер адам әйелін атып тастады
Бірнеше ұлттан құралған ауыл адамдары қару алып, атысып көрмеген. Ерлі-зайыпты да осы ауылда туып өскен. Ер адамның қолына қару алуына не себеп болғаны әзірге белгісіз. Полиция тергеуді бастады.
"Тергеушілер адамды қасақана өлтірген 47 жастағы жергілікті тұрғынға қатысты сотқа дейінгі тергеуді бастады. Сол күні күдікті ұсталып, қамауға алынды. Қылмыс құралы – күдіктіге тиесілі аңшы қаруы тәркіленді", - дейді полицейлер.
Жаңалықтар
0