https://sputnik.kz/20221121/ministrler-men-prezident-komekshisi-erevanda-uqshu-maselesin-talqylaydy-29593575.html

Министрлер мен президент көмекшісі Ереванда ҰҚШҰ мәселесін талқылайды

Министрлер мен президент көмекшісі Ереванда ҰҚШҰ мәселесін талқылайды

Sputnik Қазақстан

АСТАНА, 21 қараша – Sputnik. 22-23 қарашада Ереванда Ұжымдық қауіпсіздік туралы шарт ұйымы Сыртқы істер министрлері кеңесінің отырысы өтеді, деп хабарлайды... 21.11.2022, Sputnik Қазақстан

2022-11-21T16:19+0500

2022-11-21T16:19+0500

2023-08-09T12:37+0500

ұқшұ

https://sputnik.kz/img/1226/28/12262812_58:0:2943:1623_1920x0_80_0_0_899234e15f705d1b0bd67fba51c9ef7d.jpg

АСТАНА, 21 қараша – Sputnik. 22-23 қарашада Ереванда Ұжымдық қауіпсіздік туралы шарт ұйымы Сыртқы істер министрлері кеңесінің отырысы өтеді, деп хабарлайды Sputnik Қазақстан тілшісі.Қазақстан СІМ ресми өкілі Айбек Смадияров биыл 22-23 қарашада Ереванда ҰҚШҰ Сыртқы істер министрлері кеңесінің отырысы, сондай-ақ ұйымға мүше мемлекеттердің сыртқы істер министрлері, қорғаныс министрлері және қауіпсіздік кеңесі хатшыларының бірлескен отырысы өтетінін мәлімдеді.Шараға Қазақстан премьер-министрінің орынбасары – сыртқы істер министрі Мұхтар Тілеуберді, президенттің көмекшісі – Қауіпсіздік кеңесінің хатшысы Ғизат Нұрдәулетов, қорғаныс министрі Руслан Жақсылықов қатысады."Бұл отырыстар барысында ұйымның қазіргі қызметінің бірқатар кең ауқымды мәселелерін, сондай-ақ ұйымның дамыту перспективаларын талқылау жоспарланып отыр. Ұжымдық қауіпсіздік жүйесін жетілдіру мәселелеріне, ұйымға мүше мемлекеттердің қауіпсіздігіне төнетін сын-қатерлер мен қауіптерге қарсы әрекет ету жөніндегі шараларға ерекше назар аударылады", - деді Смадияров апта сайынғы брифингте.Қатысушылар ұжымдық қауіпсіздік мәселелеріне қатысты бірлескен мәлімдеме қабылдайды. Сондай-ақ мүше мемлекеттердің басшыларына қол қоюға енгізілетін құжаттардың жобаларын мақұлдайды.

2022

Жаңалықтар

kk_KK

ұқшұ