Оқиға

Ақмола облысында мектеп қазандығы жарылды: зардап шеккендер бар

© Photo : ҚР ТЖМ баспасөз қызметіАқмола облысында мектеп қазандығы жарылды
Ақмола облысында мектеп қазандығы жарылды - Sputnik Қазақстан, 1920, 18.11.2022
Жазылу
НовостиTelegram
Оқушылар үйден оқиды
АСТАНА, 18 қараша – Sputnik. Ақмола облысының Аршалы ауылында мектеп аумағында орналасқан қазандық жарылды. Салдарынан үш адам зардап шекті, деп хабарлайды ТЖ министрлігі.
Оқиға бүгін, 18 қараша сағат 12:18-де Аршалы ауданы Аршалы ауылындағы Писарев 18 көшесінде болған.
"Тәшенов атындағы жалпы білім беретін мектептің аумағында бөлек тұрған қазандықта қатты отынмен жанатын жылыту қазаны жарылды. Ғимараттың құрылыс конструкциясы қирады, бірақ өрт шыққан жоқ. Ауруханаға 3 адам – 1983 жылғы шаруашылық меңгерушісі, 1990 жылғы электрик және 1967 жылғы от жағушы жатқызылды", - делінген хабарламада.
Ведомствоның ақпаратынша, зардап шеккендердің бәрі есін біледі.
Мектеп қашықтан оқыту форматына көшірілді.
Оқиға орнында жедел штаб құрылды, апат салдарын жою және жылу беру бойынша шаралар қолға алынып жатыр.
Жаңалықтар
0