Түркияда 2023 жылдың жазында қонақ үйлер қымбаттайды

© Sputnik / Екатерина Чеснокова / Медиабанкке өтуШезлонги на пляже в Анталье, Турция
Шезлонги на пляже в Анталье, Турция - Sputnik Қазақстан, 1920, 17.11.2022
Жазылу
НовостиTelegram
АЛМАТЫ, 17 қараша – Sputnik. Түркиядағы премиум қонақ үйлер 2023 жылдың жазғы маусымында бағаны қымбаттатады. Бұл туралы Түркиядағы қонақ үй иелері мәлімдеді.
"Бес жұлдызды" сегменттегі түрік қонақүйлерінде демалу бағасы 2022 жылдың жазындағы бағамен салыстырғанда 30-50%-ке өсуі мүмкін деп болжанып отыр.
"Баға сөзсіз өседі. Қонақ үй секторындағы шығындар өсті, бұл Түркиядағы өмірдің барлық басқа салаларына да қатысты. Қызанақтан бастап электр қуатына дейін барлығы қымбаттады", - деді Seven Seas Gravel Select қонақ үйінің сату жөніндегі менеджері Гюнай Шабан.
Оның айтуынша, бес жұлдызды сегменттегі кейбір отельерлер жазғы маусымда бағаны 50%-ке көтеруге мәжбүр болады.
Kilit Hospitality Group өкілі Гүзел Қияқ Түркиядағы жоғары санатты қонақүйлердегі демалыс бағасы келесі жазда 35-50 пайызға артады деп есептейді. Күз бен қыста ерте брондау кезінде тұруға жеңілдіктер 30%-ке дейін жетеді. Осыған қарамастан туристердің жазғы маусымға билеттерді сатып алу белсенділігі төмен.
Гюзель Кыйяк сонымен қатар бірнеше жыл бойы жыл сайын Түркияда демалу бағасының өсіп жатқанын айтты, деп жазады РФ туроператорлар қауымдастығы.
"Жыл сайын туристердің бұл жағдайға қатысты реакциясы бірдей. Олар демалыс уақытын қысқартады немесе бюджеттік қонақүйлерге ауысады. Бірақ саяхаттан жаппай бас тарту ешқашан болмайды", - деп түсіндірді ол. Айта кетейік, 2023 жылдың 1 қаңтарынан бастап Түркияда "орналасу салығын" енгізу туралы заң күшіне енеді де, қонақүйлер аумағында онда орналасумен бірге көрсетілетін барлық қызметтерден 2% мөлшерінде алым алынады.
Жаңалықтар
0