сайлау - Sputnik Қазақстан, 1920, 27.10.2022
Президент сайлауы - 2022
Қазақстанда 20 қарашада кезектен тыс президент сайлауы өтеді.

Елордада тіркеуде жоқ азаматтар үшін 23 сайлау учаскесі ашылды

© Photo : акимат АлматыАрхивтегі фото
Архивтегі фото - Sputnik Қазақстан, 1920, 17.11.2022
Жазылу
НовостиTelegram
АСТАНА, 17 қараша – Sputnik. Астанада президент сайлауы күні қалада тіркеуде жоқ азаматтар дауыс бере алатын 23 учаскенің тізімі жарияланды, деп хабарлайды қалалық әкімдіктің ресми сайты.
Сайлаушылардың осы санатына "Азаматтарға арналған үкімет" мемлекеттік корпорациясының қызметкерлері көмек көрсетеді. Мұнда әртүрлі себептермен тіркелмеген адамдар өз құқығын пайдаланып, дауыс бере алады. Осы мақсатта аталған учаскелерде бір күндік тіркеу жүргізіледі. Сондықтан қала тұрғындары мен қонақтары тіркеусіз-ақ өздерінің азаматтық борышын орындауға және ел өміріндегі маңызды оқиғаға өз үлесін қосуға мүмкіндігі бар.
Ол үшін азаматтардың осы санаты сайлау учаскесіне сайлау күні келіп, сол жерде бір күнге тіркелуге тиіс.
Мұндай толықтыру үкіметтің 2011 жылғы 1 желтоқсандағы "Ішкі мигранттарды тіркеу қағидаларын бекіту туралы" қаулысына енгізілген болатын. Онда тұрғылықты жері бойынша тіркеуден шығарылған адамдарды сайлау күні, сайлау учаскесінің мекенжайы бойынша ғимаратта немесе үй-жайда тіркеуге мүмкіндік берілетіні айтылған.
Естеріңізге сала кетейік, Астанада сайлау күні 406 сайлау учаскесі ашылады. Сіз өзіңіздің учаскеңізді sailau.astana.kz сайты арқылы, Smart Astana мобильді қосымшасы, Telegram чат-ботына кіру арқылы немесе iKomek байланыс орталығына 109 нөмірі бойынша қоңырау шалу арқылы біле аласыз. Айта кетері, елордада 20 қараша күні автобустарда жол жүру тегін болады.
Архивтегі фото - Sputnik Қазақстан, 1920, 15.11.2022
Президент сайлауы - 2022
Сайлау күні елордалықтар қоғамдық көлікпен тегін жүреді
Жаңалықтар
0