Әлем

G20 саммиті: тараптар қандай мәселелерді талқылайды

© AP Photo / Dita AlangkaraИндонезийский солдат у знака G20 на одном из мест проведения саммита лидеров G20 в Нуса-Дуа, Бали, Индонезия
Индонезийский солдат у знака G20 на одном из мест проведения саммита лидеров G20 в Нуса-Дуа, Бали, Индонезия - Sputnik Қазақстан, 1920, 14.11.2022
Жазылу
НовостиTelegram
Сейсенбіде Индонезияда "Үлкен жиырмалықтың" екі күндік саммиті басталады. Шараға қатысушылар құрамы және мұнай мәселесі бойынша күн тәртібіне байланысты форум басталмай жатып, оның төңірегінде шу шықты, деп жазды РИА Новости.
"Үлкен жиырмалық" экономикасы ең дамыған елдерді біріктіреді. Сондықтан саммитте негізінен экономикалық және қаржылық мәселелер қарастырылады.
Алайда, желтоқсанға дейін ұйымға төрағалық ететін Индонезия саяси қайшылықтарды жою үшін өз ұстанымын пайдалануды ұйғарды. Наурызда АҚШ президенті Джо Байден Ресейді G20-дан шығаруды ұсынды. Бірақ индонезиялық тарап Владимир Путинді саммитке шақырды. Украина G20-ға кірмегенімен, шараға Владимир Зеленский де шақырылды. Ол Путинмен бірге саммитке қатыспайтынын мәлімдеді. Соған қарамастан Джакарта Кремльге жолдаған шақыртудан бас тартқан жоқ.
Индонезия президенті Джоко Видодо Financial Times газетіне берген сұхбатында өз ұстанымын дәлелдей отырып, топтың барлық мүшесі арасында консенсуссыз Индонезияның Ресейді "оқшаулауға" құқығы жоқ екенін атап өтті.
"Нәтижесінде Ресей және Украина көшбасшылары саммитке қатысудан бас тартты, Зеленский видеобайланыс арқылы шараға қатысушылар алдында сөз сөйлеуі ықтимал. Соған қарамастан Индонезияның дипломатиялық талпынысын сәтті деп санауға болады. Бали аралындағы ресейлік делегацияны сыртқы істер министрі Сергей Лавров басқарды. Бұл Батыстың Мәскеуді G20 жұмысынан шығару жоспарының жүзеге аспайтынының тағы бір дәлелі болды", - деп жазды мақала авторы.
Ресейді оқшаулай алмаған Байден саммит қарсаңында бірнеше қарама-қайшы мәлімдемелер жолдады. Ең алдымен, баспасөз Ақ үйдегі ақпарат көздеріне сілтеме жасап, АҚШ президенті Балиде Путинмен Украина мәселесін талқылауға дайын екенін хабарлады. Алайда кейінірек америкалық көшбасшы да, оның өкілі де бетпе-бет кездесудің мәні жоқ екенін ресми түрде мәлімдеді.
Сонымен бірге, Байден Вашингтон Бритни Гринерді босату туралы келіссөздерді жалғастырып жатқанын растады. Америкалық баскетболшы Ресейде есірткі тасымалдағаны үшін айыпталып, тоғыз жылға бас бостандығынан айырылды. АҚШ-та баспасөз Ақ үй Кремльге Грейнер мен төрт жыл бұрын Мәскеуде ұсталған бұрынғы теңізші Пол Уиланды Америкада жаза мерзімін өтеп жатқан ресейлік Виктор Бутқа айырбастауды ұсынғаны туралы бірнеше рет хабарлады.
Саммитке бір апта қалғанда Байден ресейлік тарап Грайнер бойынша "нақты келіссөздерге дайын" екенін аңғартты. Алайда, бұл мәселенің Балиде талқылану ықтималдылығы туралы сұрағанда, президент мерзімінен бұрын болжам жасаудан аулақ болуға шақырды.
Ақ үйдің G20 саммитінде америкалық-ресейлік күн тәртібі белгісіз болғанымен, Азия бағытындағы талқылайтын мәселелері анық. Байденнің айтуынша, ол екі елдің алдағы ынтымақтастығын талқылау үшін ҚХР төрағасы Си Цзиньпинмен кездесуге бекініп отыр. Америкалық көшбасшы Вашингтон Қытаймен жауластықты емес, татулықты қалайтынын жеткізуді көздеп отырғанын айтты.
Сарапшы Андрей Кортунов атап өткендей, бұл саммит G20-ның алғашқы кездесулеріне ұқсас, бірақ қайшылықтары әлдеқайда тереңірек.
"Саммит дағдарыс жағдайында өтіп жатыр. "Үлкен жиырмалық" 2008 жылғы қаржылық дағдарысқа қатысты әрекет ету үшін қалыптасып, форум мемлекет басшылары деңгейінде жұмыс істей бастады. Содан кейін жалпы идея жаһандық экономика мен қаржыны басқару принциптерін қайта құру болды. Бірақ ұйымға қатысушылардың мүдделерінің әр алуандығы салдарынан бір мәмілеге келу мүмкін болмады. Ал қазір жағдай ол кездегіден жақсы емес, проблемалар баршылық, бірлік деңгейі 14 жыл бұрынғыдан да төмен", - деп атап өтті Андрей Кортунов.
Консенсустың болмауының бірнеше себебі бар. Біріншіден, соңғы жылдары Қытайдың рөлі айтарлықтай өсті. Екіншіден, экономикалық санкциялар дәстүрлі келіссөздерді ығыстырып, сыртқы саясаттың ортақ элементіне айналды. Үшіншіден, көптеген ойыншылар бір-біріне қайтадан үйренуі керек. Мысалы, Германия канцлері Олаф Шольц, Италия үкімет басшысы Джорджия Мелони және Ұлыбритания премьер-министрі Риши Сунак үшін бұл саммит алғашқы тәжірибе болады.
Жаңалықтар
0