Жыл соңына дейін қандай жолдар пайдалануға беріледі

© Sputnik / Абзал КалиевАрхивтегі фото
Архивтегі фото - Sputnik Қазақстан, 1920, 17.10.2022
Жазылу
НовостиTelegram
АСТАНА, 17 қазан – Sputnik. Индустрия және инфрақұрылымдық даму министрі Қайырбек Өскенбаев жол саласындағы негізгі жобалар қай кезде аяқталатынын айтты, деп хабарлайды Sputnik Қазақстан тілшісі.
Ірі жобалардың бірі – "Қарағанды – Балқаш – Бурылбайтал – Құрты – Қонаев" жолы. Учаскенің жалпы ұзындығы – 946 шақырым. Бүгінде 428 шақырымда қозғалыс ашылды.
"Жыл соңына дейін тағы қосымша 106 шақырым ашылады. Қалған 412 шақырымды 2023 жылы аяқтаймыз", - деді Өскенбаев мәжілістегі үкімет сағатында.
Бұдан бөлек, жыл соңына дейін "Мерке – Бурылбайтал" жол учаскесі (262 шақырым) толық ашылады. Қазіргі кезде 158 шақырымы аяқталды.
2023 жылы іске қосылатын жобалар:
Талдықорған – Өскемен;
Қалбатау – Майқапшағай;
Үшарал – Достық;
Талдықорған – Өскемен (649 шақырымы біткен, 119 шақырымы қалды);
Қалбатау – Майқапшағай (159 шақырым жолда қозғалыс ашылды, 241 шақырымы қалып отыр);
Үшарал – Достық (155 шақырымы дайын, 25 шақырымы қалды);
Ақтөбе – Қандыағаш (52 шақырымы дайын, жыл соңына дейін тағы 44 шақырымы аяқталады);
Атырау – Астрахань (60 шақырымы біткен, 147 шақырымы қалды).
Министрдің сөзіне қарағанда, алдағы уақытта автожол жобаларын іске асыру кезінде "Саннан сапаға" қағидаты қолданылады.
Жаңалықтар
0