Президенттікке кандидат Қарақат Әбден мемлекеттік тілден емтихан тапсырды

© Photo : аккаунт Каракат Абден в соцсетяхҚарақат Әбден
Қарақат Әбден - Sputnik Қазақстан, 1920, 10.10.2022
Жазылу
НовостиTelegram
АСТАНА, 10 қазан – Sputnik. Президенттікке кандидаттың мемлекеттік тілді еркін меңгергендігін анықтайтын лингвистикалық комиссия Қарақат Әбденнен емтихан алды.
Лингвистикалық комиссия кандидаттың мемлекеттік тілді еркін меңгергендігін үш бағыт бойынша анықтады: шығарма жазу, қазақ әдебиеті классиктерінің шығармасынан үзінді оқу, кандидаттың таңдаған тақырыбына көпшілік алдында сөз сөйлеуі.
Емтихан аяқталған соң, комиссия талқылау өткізіп, қорытындылады.
Отырыстың қорытындысын Лингвистикалық комиссияның төрағасы, филология ғылымдарының докторы, профессор Әділ Ахметов баяндады.
Кандидат "Тіл – халықтың алтын діңгегі" тақырыбына шығарма жазды. Жазба жұмысы мазмұны, стилі, емлесі, тыныс белгілері бойынша бағаланды. Екінші тапсырма бойынша Ілияс Есенберлиннің "Көшпенділер" романынан ауызша үзінді оқыды. Үшінші тапсырма бойынша "Азат елдің еңсесі биік" тақырыбына ойын ауызша баяндады.
Емтихан қорытындысы бойынша Лингвистикалық комиссия Қазақстан Республикасының президенттігіне кандидат Қарақат Жақсылыққызы Әбденнің мемлекеттік тілді еркін меңгергендігі туралы шешім қабылдады.
Жаңалықтар
0