https://sputnik.kz/20221009/bir-aq-ret-zhuredi-qarasay-audany-turgyndaryn-qogamdyq-kolik-maselesi-qazhytqan-28298818.html
"Бір-ақ рет жүреді": Қарасай ауданы тұрғындарын қоғамдық көлік мәселесі қажытқан
"Бір-ақ рет жүреді": Қарасай ауданы тұрғындарын қоғамдық көлік мәселесі қажытқан
Sputnik Қазақстан
АЛМАТЫ ОБЛЫСЫ, 9 қазан – Sputnik. Алматы облысы Қарасай ауданына қарасты бірнеше ауылдың тұрғындары талай жылдан бері қоғамдық көлік мәселесіне шағымданып... 09.10.2022, Sputnik Қазақстан
2022-10-09T13:33+0500
2022-10-09T13:33+0500
2022-10-09T13:42+0500
қоғамдық көлік
алматы облысы
https://sputnik.kz/img/07e6/0a/09/28298955_128:0:1152:576_1920x0_80_0_0_77825bcb92cf67a96c017a42ab63328f.jpg
АЛМАТЫ ОБЛЫСЫ, 9 қазан – Sputnik. Алматы облысы Қарасай ауданына қарасты бірнеше ауылдың тұрғындары талай жылдан бері қоғамдық көлік мәселесіне шағымданып келеді, деп хабарлайды Sputnik Қазақстан тілшісі.Халық қоғамдық көлік проблемасын айтып, жергілікті биліктің есігін талай тоздырған. Бірақ одан қайыр жоқ.Қарасай ауданының Көлді, Мерей, Ұлан, Нұрбағы, Таң ауылдарына №8 шағын автобус қана жүреді."Оған сыймаймыз. Кіп-кішкентай, ескі. Не есігі дұрыс жабылмайды, не терезелері дұрыс жабылмайды. Тіпті кейбір маршрутканың келе жатып рөлі жұлынып қалғанын да көрдік", - дейді Таң ауылының тұрғыны Жәмила Ақбаева.Тұрғындар қоғамдық көліктің жоқтығынан жұмыстан үйге қайта алмай қалатынын айтады. Такси бағасы тым шарықтап тұр. Ал жергілікті билік былай дейді:"Қоғамдық көлік расымен проблема. Барлық жағдайды білеміз. Жақында Қонаев қаласынан Алматы облысы жолаушылар тасымалы басқармасының басшысы келді. Тұрғындармен кездесті. Қараша айының соңына дейін мәселені шешеміз деді. 8-ші маршрутка сияқты емес, үлкен автобус береміз деді", - деді Sputnik Қазақстан тілшісіне Қарасай ауданы Ұмтыл ауыл округінің әкімі Серік Қалижанұлы.Қарасай ауданына қарасты Әйтей ауылында да осындай проблема."Менің жасым 85-те. Бар пенсиямды таксиге төлеймін. Автобус жоқ. Ауылдан шығып қалаға бару үшін таксиге отырамын. Сосын анау қалың машина зулап жатқан жолды әрең өтіп, тағы таксиге отырамын", - дейді Әйтей ауылының тұрғыны Күлжәмила Безбаева.Қоғамдық көлік мәселесі - Алматы облысы Қарасай ауданына қарасты барлық ауылдың проблемасы. Ал аудан әкімдігінің мамандары аталған мәселеге қатысты жауап бермеді.
алматы облысы
Sputnik Қазақстан
media@sputniknews.com
+74956456601
MIA „Rossiya Segodnya“
2022
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
қоғамдық көлік, алматы облысы
қоғамдық көлік, алматы облысы
"Бір-ақ рет жүреді": Қарасай ауданы тұрғындарын қоғамдық көлік мәселесі қажытқан
13:33 09.10.2022 (жаңартылды: 13:42 09.10.2022) АЛМАТЫ ОБЛЫСЫ, 9 қазан – Sputnik. Алматы облысы Қарасай ауданына қарасты бірнеше ауылдың тұрғындары талай жылдан бері қоғамдық көлік мәселесіне шағымданып келеді, деп хабарлайды
Sputnik Қазақстан тілшісі.
Халық қоғамдық көлік проблемасын айтып, жергілікті биліктің есігін талай тоздырған. Бірақ одан қайыр жоқ.
"Халықтың басым көпшілігі қалаға барып жұмыс істейді. Таң құзғыннан тұрамыз көлікті тосып. Оның өзі бір сағатта бір-ақ рет жүреді", - дейді Көлді ауылының тұрғыны Назым Сәрпекова.
Қарасай ауданының Көлді, Мерей, Ұлан, Нұрбағы, Таң ауылдарына №8 шағын автобус қана жүреді.
"Оған сыймаймыз. Кіп-кішкентай, ескі. Не есігі дұрыс жабылмайды, не терезелері дұрыс жабылмайды. Тіпті кейбір маршрутканың келе жатып рөлі жұлынып қалғанын да көрдік", - дейді Таң ауылының тұрғыны Жәмила Ақбаева.
Тұрғындар қоғамдық көліктің жоқтығынан жұмыстан үйге қайта алмай қалатынын айтады. Такси бағасы тым шарықтап тұр. Ал жергілікті билік былай дейді:
"Қоғамдық көлік расымен проблема. Барлық жағдайды білеміз. Жақында Қонаев қаласынан Алматы облысы жолаушылар тасымалы басқармасының басшысы келді. Тұрғындармен кездесті. Қараша айының соңына дейін мәселені шешеміз деді. 8-ші маршрутка сияқты емес, үлкен автобус береміз деді", - деді
Sputnik Қазақстан тілшісіне Қарасай ауданы Ұмтыл ауыл округінің әкімі Серік Қалижанұлы.
Қарасай ауданына қарасты Әйтей ауылында да осындай проблема.
"Менің жасым 85-те. Бар пенсиямды таксиге төлеймін. Автобус жоқ. Ауылдан шығып қалаға бару үшін таксиге отырамын. Сосын анау қалың машина зулап жатқан жолды әрең өтіп, тағы таксиге отырамын", - дейді Әйтей ауылының тұрғыны Күлжәмила Безбаева.
Қоғамдық көлік мәселесі - Алматы облысы Қарасай ауданына қарасты барлық ауылдың проблемасы. Ал аудан әкімдігінің мамандары аталған мәселеге қатысты жауап бермеді.
