Астана – Алматы рейсі қалжыңбас жолаушының кесірінен 3 сағатқа кешікті

© Photo : Pixabay / Jan VašekЖолаушы, архивтегі фото
Жолаушы, архивтегі фото - Sputnik Қазақстан, 1920, 08.10.2022
Жазылу
НовостиTelegram
АСТАНА, 8 қазан – Sputnik. Сенбіге қараған түні Астана әуежайында багажда бомба бар деген хабарлама түсуіне байланысты Алматыға ұшатын рейс кейінге шегерілді, деп хабарлады Sputnik Қазақстан агенттігіне көліктегі полиция департаментінің баспасөз қызметі.
Ұшақтағы мас жолаушы борт қызметкеріне қорлындағы пакетті беріп, оның ішінде бомба барын айтқан. Сосын мұның әзіл екенін жеткізген.
Дегенмен барлық төтенше жағдай қызметі іске қосылды: 166 жолаушы ұшақтан шығарылып, лайнерде жарылғыш зат іздестірілді.
Соның салдарынан рейс үш сағатқа кешікті.
Алматы облысының 33 жастағы тұрғыны ұсталып, оған қатысты жалған терроризм бабы бойынша қылмыстық іс қозғалды. Ол бес жылға дейін бас бостандығынан айырылуы мүмкін.
Бір күн бұрын Астана тұрғыны ұшақтағы "бомба" туралы осындай хабарлама жасағаны үшін ұсталған болатын.
Жаңалықтар
0