https://sputnik.kz/20220930/qazaqstandagy-oqigalardy-erekshe-baqylap-otyrmyn--erdogan-28064461.html
Қазақстандағы оқиғаларды ерекше бақылап отырмын – Ердоған
Қазақстандағы оқиғаларды ерекше бақылап отырмын – Ердоған
Sputnik Қазақстан
АСТАНА, 30 қыркүйек – Sputnik. Қазақстандағы тұрақтылық бүкіл өңір үшін маңызды. Бұл туралы Түркия президенті Режеп Тайып Ердоған мәжіліс спикері Ерлан... 30.09.2022, Sputnik Қазақстан
2022-09-30T09:31+0500
2022-09-30T09:31+0500
2022-09-30T09:31+0500
режеп тайип ердоған
https://sputnik.kz/img/07e6/09/1e/28064553_0:73:1392:856_1920x0_80_0_0_40d1a3cc22760d0dff0ac950492c1442.jpg
АСТАНА, 30 қыркүйек – Sputnik. Қазақстандағы тұрақтылық бүкіл өңір үшін маңызды. Бұл туралы Түркия президенті Режеп Тайып Ердоған мәжіліс спикері Ерлан Қошановпен кездесуінде айтты, деп хабарлайды Sputnik Қазақстан.Мәжілістің баспасөз қызметінің мәліметінше, Ерлан Қошанов Қазақстан президенті Қасым-Жомарт Тоқаевтың тапсырмасымен IV Дүниежүзілік көшпенділер ойындарының салтанатты ашылу рәсіміне қатысты."Жыл өткен сайын біздің мемлекеттеріміз арасындағы ынтымақтастық артып келе жатыр. Бұл өзіңіздің Қазақстан президенті Қасым-Жомарт Тоқаевпен достық қарым-қатынасыңыз бен жемісті диалогтың нәтижесі деп білемін. Осы орайда Сіздің осы жылғы қазан айына жоспарланған Қазақстанға сапарыңызды асыға күтіп отырмыз. Бұл сапар бауырлас елдеріміздің арасындағы тығыз қарым-қатынасты жаңа деңгейге көтеріп, одан әрі нығаюына зор мүмкіндік туғызатынына сенімдіміз", – деді Ерлан Қошанов Ердоғанға.Ал Түркия президенті Қазақстанның түркі әлемі мен Түркі мемлекеттері ұйымындағы маңызды рөлін атап өтіп, мәжіліс спикеріне IV Дүниежүзілік көшпенділер ойындарының ашылуына қатысқаны үшін ризашылығын білдірді.Мәжіліс төрағасы Қазақстан келесі V Дүниежүзілік көшпенділер ойындарын өткізу жөнінде ұсыныс бергенін айтып, түркі қоғамдастығы оны қолдайтынына сенім білдірді.Айта кетері, Көшпенділер ойындарына әлемнің 102 елінен 3 мыңнан астам спортшы қатысып жатыр. Қазақстанның атынан 50 спортшы сайыстың бес түрінен бақ сынасады. Олар – көкпар, қазақ күресі, дәстүрлі садақ ату, жамбы ату, көк бөрі.
Sputnik Қазақстан
media@sputniknews.com
+74956456601
MIA „Rosiya Segodnya“
2022
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
режеп тайип ердоған
Қазақстандағы оқиғаларды ерекше бақылап отырмын – Ердоған
АСТАНА, 30 қыркүйек – Sputnik. Қазақстандағы тұрақтылық бүкіл өңір үшін маңызды. Бұл туралы Түркия президенті Режеп Тайып Ердоған мәжіліс спикері Ерлан Қошановпен кездесуінде айтты, деп хабарлайды
Sputnik Қазақстан. Мәжілістің баспасөз қызметінің мәліметінше, Ерлан Қошанов Қазақстан президенті Қасым-Жомарт Тоқаевтың тапсырмасымен IV Дүниежүзілік көшпенділер ойындарының салтанатты ашылу рәсіміне қатысты.
"Жыл өткен сайын біздің мемлекеттеріміз арасындағы ынтымақтастық артып келе жатыр. Бұл өзіңіздің Қазақстан президенті Қасым-Жомарт Тоқаевпен достық қарым-қатынасыңыз бен жемісті диалогтың нәтижесі деп білемін. Осы орайда Сіздің осы жылғы қазан айына жоспарланған Қазақстанға сапарыңызды асыға күтіп отырмыз. Бұл сапар бауырлас елдеріміздің арасындағы тығыз қарым-қатынасты жаңа деңгейге көтеріп, одан әрі нығаюына зор мүмкіндік туғызатынына сенімдіміз", – деді Ерлан Қошанов Ердоғанға.
Ал Түркия президенті Қазақстанның түркі әлемі мен Түркі мемлекеттері ұйымындағы маңызды рөлін атап өтіп, мәжіліс спикеріне IV Дүниежүзілік көшпенділер ойындарының ашылуына қатысқаны үшін ризашылығын білдірді.
"Қазақстандағы тұрақтылық бүкіл өңір үшін маңызды. Бұл орайда президент Қасым-Жомарт Тоқаевтың жүргізіп жатқан реформалары мен кезектен тыс президенттік сайлау өткізу жөніндегі бастамасын қолдаймын. Қазақстандағы оқиғаларды ерекше бақылап отырмын. Жалпы, Қазақстан мен Түркия арасындағы екіжақты қатынастар жоғары деңгейде дамып келеді. Осы орайда парламентаралық ынтымақтастықтың маңыздылығы зор", – деді Ердоған.
Мәжіліс төрағасы Қазақстан келесі V Дүниежүзілік көшпенділер ойындарын өткізу жөнінде ұсыныс бергенін айтып, түркі қоғамдастығы оны қолдайтынына сенім білдірді.
Айта кетері, Көшпенділер ойындарына әлемнің 102 елінен 3 мыңнан астам спортшы қатысып жатыр. Қазақстанның атынан 50 спортшы сайыстың бес түрінен бақ сынасады. Олар – көкпар, қазақ күресі, дәстүрлі садақ ату, жамбы ату, көк бөрі.
