Тоқаев халықаралық шахмат федерациясының президентін қабылдады

© Sputnik / Абзал КалиевАкорда
Акорда - Sputnik Қазақстан, 1920, 29.09.2022
Жазылу
НовостиTelegram
АСТАНА, 29 қыркүйек – Sputnik. Қасым-Жомарт Тоқаев Аркадий Дворковичті алықаралық шахмат федерациясының президенті лауазымына жуырда қайта сайлануымен құттықтады.
Кездесу барысында мемлекет басшысына Астанада әлемнің 12 мықты шахматшысының басын қосқан халықаралық шахмат федерациясының президенті Гран-при әйелдер сериясының бірінші кезеңінің өткізілуі туралы мәлімет берілді. Қасым-Жомарт Тоқаев осындай деңгейдегі іс-шараларды өткізу еліміздегі шахмат спортының дамуына елеулі үлес қосатынын атап өтті.

"Қазақстанда шахмат кеңінен танымал, әсіресе, балалар мен жастар арасында. Бізде 7 мыңнан астам секция жұмыс істейді, дегенмен бұл көрсеткішті кемінде екі есе арттыруға тиіспіз. Қазір шахматпен 200 мыңнан астам адам айналысады. Қазақстандық шахматшылар халықаралық жарыстарда сәтті өнер көрсетіп жүр. Біз бұл спортты қолдауға баса мән береміз. Шахматты дамытудың Жол картасы әзірленді. "Мектептегі шахмат" ауқымды жобасын жүзеге асыруды жоспарлап отырмыз", – деді Мемлекет басшысы.

Өз кезегінде Аркадий Дворкович Қазақстанда шахматты жеке қолдағаны және танымал спортқа айналдырғаны үшін Қасым-Жомарт Тоқаевқа ризашылығын білдіріп, халықаралық шахмат федерациясының президенті шахматты мектеп бағдарламасына енгізу жөніндегі халықаралық тәжірибесін бөлісуге дайын екенін жеткізді.
Сонымен қатар олар Қазақстан мен халықаралық шахмат федерациясының президенті арасындағы ұзақ мерзімді ынтымақтастық мәселелері жөнінде пікір алмасып, елімізде ірі халықаралық турнирлер өткізу перспективаларын талқылады.
Жаңалықтар
0