Биыл дәрігерлердің орташа жалақысы 420 мың теңгеге жетеді – министр

© Sputnik / Табылды КадырбековАурухана, архивтегі фото
Аурухана, архивтегі фото - Sputnik Қазақстан, 1920, 21.09.2022
Жазылу
АСТАНА, 21 қыркүйек – Sputnik. Биыл Қазақстанда дәрігерлердің орташа жалақысы 420 мың теңгеге жетеді. Бұл туралы денсаулық сақтау министрі Ажар Ғиният мәлімдеді, деп хабарлайды Sputnik Қазақстан тілшісі.
Министр президенттің тапсырмасына сәйкес, былтырдан бері медицина қызметкерлерінің жалақысы 2023 жылға қарай экономикадағы орташа жалақыдан екі есе жоғары деңгейге жеткізу мақсатында жыл сайын көбейіп жатқанын атап өтті.
"Биылдың өзінде дәрігерлердің орташа жалақысы 420 мың теңгеге жеткізіледі деп есептеліп отыр. Бұл ретте орта медицина қызметкерлерінің айлығы шамамен 235 мың теңгені құрады", - деді Ғиният үкімет отырысында.
Министрдің айтуынша, медициналық ұйымдардың кадрлық әлеуетін нығайту үшін резидентурада медицина кадрларын, оның ішінде акушер-гинекологтар, неонатологтар және анестезиолог-реаниматологтар сияқты арнайы және тапшы мамандықтарды даярлауға арналған гранттар саны 1,5 мыңға дейін ұлғайтылды.
Жаңалықтар
0