Үсік жүреді: синоптиктер 19 қыркүйекте ауа райы қандай болатынын айтты

© Photo : СС0 / oldpermЗаморозки
Заморозки - Sputnik Қазақстан, 1920, 18.09.2022
Жазылу
АСТАНА, 18 қыркүйек – Sputnik. 19 қыркүйекте Қазақстан аумағының басым бөлігі суық антициклонның ықпалында болады, жауын–шашынсыз ауа райы сақталады, деп хабарлады Қазгидромет.
"Түнде еліміздің солтүстігінде, орталығында, шығысында үсік күтіледі. Атмосфералық фронттардың өтуіне байланысты еліміздің батысында, солтүстік-батысында, оңтүстік-шығыстың таулы аудандарда найзағай ойнап, жаңбыр жауады. Қазақстан бойынша жел күшейеді, оңтүстігінде шаңды дауыл, шығысында түнде және таңертең тұман күтіледі", - деп болжап отыр синоптиктер.
Қызылорда, Түркістан, Жамбыл, Алматы облыстарының басым бөлігінде, Абай облысының солтүстік-батысында, солтүстігінде, шығысында, Атырау облысының оңтүстігінде, Ақтөбе облысының оңтүстігінде, шығысында төтенше өрт қаупі сақталады. Қостанай облысының оңтүстігінде сақталып, Павлодар облысының орталығында жоғары өрт қаупі күтіледі.
Түнде Ақмола облысының шығысында,Қарағанды облысының солтүстігі мен шығысында, Шығыс Қазақстан облысының солтүстік-шығысында, Абай облысының батысында 1-3 градус үсік сақталады. Түнде Ұлытау облысының солтүстігінде, Павлодар облысының басым бөлігінде топырақ бетінде 1 градус үсік болжанады.
Астанада күн бұлтты, жауын-шашынсыз. Оңтүстік-шығыстан жел соғады, күші - 3-8 м/с. Ауа температурасы түнде 4-6 градус жылы, күндіз 21-23 градус жылы болады.
Алматыда күн бұлтты, жауын-шашынсыз. Желдің күші - 2-7 м/с. Ауа температурасы түнде 11-13, күндіз 25-27 градус жылы.
Шымкентте күн ашық болады. Солтүстік-шығыстан жел соғады, күші - 8-13 м/с. Ауа температурасы түнде - 13-15, күндіз - 30-32 градус жылы.
Жаңалықтар
0