https://sputnik.kz/20220909/pavlodar-qalasyn-damytu-tuzhyrymdamasy-tanystyryldy-27418274.html
Павлодар қаласын дамыту тұжырымдамасы таныстырылды
Павлодар қаласын дамыту тұжырымдамасы таныстырылды
Sputnik Қазақстан
Әмбебап саябақ аймақтарын құру, орталық көшелерді жаңарту және Усолкадағы экопаркті абаттандыру жоспарланып отыр 09.09.2022, Sputnik Қазақстан
2022-09-09T09:45+0500
2022-09-09T09:45+0500
2022-09-09T09:45+0500
павлодар
https://sputnik.kz/img/07e6/09/09/27412242_0:209:1280:929_1920x0_80_0_0_65ea9aaf02499859e31b69c7a916b7bb.jpg
НҰР-СҰЛТАН, 9 қыркүйек – Sputnik. Павлодар облысының әкімі Әбілқайыр Сқақов урбанистер қауымдастығы өкілдерімен облыс орталығында салынатын демалыс аймақтарының жобаларын талқылады, деп хабарлады өңір басшысының баспасөз қызметі.Үш саябақИнклюзивті жастар спорт саябағы Ломов-Катаев көшелерінің қиылысында орналасады. Түрлі жастағы азаматтарға арналған тематикалық аймақтарды құру негізге алынып отыр. Бұл балаларға арналған ойын алаңдары, жасөспірімдерге арналған демалыс орындары, спортшыларға арналған воркаут және скейт аймақтары, арқан саябағы, құрғақ фонтан және футбол алаңы. Жалпы, жастарға арналған саябақ қысы-жазы ашық болады.Сондай-ақ "Усолка" экосаябағын абаттандыру жоспарланып отыр.Өңірдің ерекшеліктерін ескере отырып, жобалаушылар функционалдық аймақтарға бөлуді жүзеге асырды: балық аулауға арналған жағалау, пикниктерге, серуендеуге, ағаш отырғызуға, кемпингтерге арналған аумақтар, қыста шаңғы тебуге арналған төбелер. Ал адамдар саябақтың алыс аумағында да серуендеу үшін ол жаққа топырақты және эко-жолдар төселеді.Қазір урбанистер қала тұрғындарының ұсыныстарын әлі де қарастырып жатыр. Өз кезегінде, өңір басшысы автотұрақ, жағажай аймағы мен таза аумақтармен қамтамасыз ету мәселелерін шешуді тапсырды.Қаланың батыс бөлігінде Ертіс бойында ұзындығы 3,7 километрді құрайтын биатлон мен триатлонға арналған әмбебап спорт саябағы пайда болады. Көп функционалды кеңістікте трек тасжол пампалары, спортшыларға арналған пирс, кірме жолдар, тротуарлар, велосипед тебуге арналған жолдар және модульдік құрылымдар орналасады. Әлемдік баламалар бойынша салынған шолу мұнарасы және өзен станциясының жанындағы өзен арқылы өтетін жаяу жүргіншілер көпірі негізгі ерекшелік болады.Көшелерді жаңартуЛермонтов көшесін жаңарту кезекті бір жаңалық болмақ. Жүргізілген талдаулардың негізінде тек сәулеттік-көркемдік келбетке ғана емес, жол апатының қаупін азайту мақсатында жаяу жүргіншілер мен көлік жолдарын ұйымдастыруға да кешенді шаралар қабылдау қажет.Жоспар бойынша мұнда қауіпсіз велосипед жолы, ойын алаңдары, парклеттер бар белсенді және тыныш демалыс орындары, сауда павильондары, шағын архитектуралық пішіндер мен аялдамалар пайда болады. Сонымен қатар 750 ағаш отырғызу ұсынылды.Ландшафт архитекторы Роман Шнайдерманның айтуынша, барлық жоба қоршаған ортаға аз әсер етіп, жасыл желекті сақтай отырып жүзеге асырылады.Қала тұрғындарына арналған бос орындарЖобалар алуан түрлі болғанымен, олар қала үшін аса қажет. Тұрғындармен талқылаулар және тұжырымдамалық зерттеулер жүргізіліп жатыр. Жобаларды әзірлеу кезінде ағаштарды кеспей, экологияға залал келтірмейтін идеялар қарастырылды.Әбілқайыр Сқақов әрбір жобаны талқылауға азаматтық қауымдастықты тартудың маңыздылығына тоқталып, урбанистердің идеяларын қолдады. Урбанистикадағы жаңа тәсілдер мен жаңа үрдістер қаланы дамытудың барлық жобасында байқалады."Азаматтардың серуендеуіне, демалуына өте көп аумақ қарастырылып жатыр. Тұрғындардың барлық тілегін ескеру маңызды", - деді аймақ басшысы.Ол келесі жылдан бастап қала ландшафтын түрлендіру жобаларын жүзеге асыруға кірісу үшін жобалау-сметалық құжаттаманы дайындауды жеделдетуді тапсырды.
павлодар
Sputnik Қазақстан
media@sputniknews.com
+74956456601
MIA „Rossiya Segodnya“
2022
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
павлодар
Павлодар қаласын дамыту тұжырымдамасы таныстырылды
Әмбебап саябақ аймақтарын құру, орталық көшелерді жаңарту және Усолкадағы экопаркті абаттандыру жоспарланып отыр
НҰР-СҰЛТАН, 9 қыркүйек – Sputnik. Павлодар облысының әкімі Әбілқайыр Сқақов урбанистер қауымдастығы өкілдерімен облыс орталығында салынатын демалыс аймақтарының жобаларын талқылады, деп хабарлады өңір басшысының баспасөз қызметі.
Инклюзивті жастар спорт саябағы Ломов-Катаев көшелерінің қиылысында орналасады. Түрлі жастағы азаматтарға арналған тематикалық аймақтарды құру негізге алынып отыр. Бұл балаларға арналған ойын алаңдары, жасөспірімдерге арналған демалыс орындары, спортшыларға арналған воркаут және скейт аймақтары, арқан саябағы, құрғақ фонтан және футбол алаңы. Жалпы, жастарға арналған саябақ қысы-жазы ашық болады.
Сондай-ақ "Усолка" экосаябағын абаттандыру жоспарланып отыр.
Өңірдің ерекшеліктерін ескере отырып, жобалаушылар функционалдық аймақтарға бөлуді жүзеге асырды: балық аулауға арналған жағалау, пикниктерге, серуендеуге, ағаш отырғызуға, кемпингтерге арналған аумақтар, қыста шаңғы тебуге арналған төбелер. Ал адамдар саябақтың алыс аумағында да серуендеу үшін ол жаққа топырақты және эко-жолдар төселеді.
Қазір урбанистер қала тұрғындарының ұсыныстарын әлі де қарастырып жатыр. Өз кезегінде, өңір басшысы автотұрақ, жағажай аймағы мен таза аумақтармен қамтамасыз ету мәселелерін шешуді тапсырды.
Қаланың батыс бөлігінде Ертіс бойында ұзындығы 3,7 километрді құрайтын биатлон мен триатлонға арналған әмбебап спорт саябағы пайда болады. Көп функционалды кеңістікте трек тасжол пампалары, спортшыларға арналған пирс, кірме жолдар, тротуарлар, велосипед тебуге арналған жолдар және модульдік құрылымдар орналасады. Әлемдік баламалар бойынша салынған шолу мұнарасы және өзен станциясының жанындағы өзен арқылы өтетін жаяу жүргіншілер көпірі негізгі ерекшелік болады.
Лермонтов көшесін жаңарту кезекті бір жаңалық болмақ. Жүргізілген талдаулардың негізінде тек сәулеттік-көркемдік келбетке ғана емес, жол апатының қаупін азайту мақсатында жаяу жүргіншілер мен көлік жолдарын ұйымдастыруға да кешенді шаралар қабылдау қажет.
Жоспар бойынша мұнда қауіпсіз велосипед жолы, ойын алаңдары, парклеттер бар белсенді және тыныш демалыс орындары, сауда павильондары, шағын архитектуралық пішіндер мен аялдамалар пайда болады. Сонымен қатар 750 ағаш отырғызу ұсынылды.
Ландшафт архитекторы Роман Шнайдерманның айтуынша, барлық жоба қоршаған ортаға аз әсер етіп, жасыл желекті сақтай отырып жүзеге асырылады.
Қала тұрғындарына арналған бос орындар
Жобалар алуан түрлі болғанымен, олар қала үшін аса қажет. Тұрғындармен талқылаулар және тұжырымдамалық зерттеулер жүргізіліп жатыр. Жобаларды әзірлеу кезінде ағаштарды кеспей, экологияға залал келтірмейтін идеялар қарастырылды.
Әбілқайыр Сқақов әрбір жобаны талқылауға азаматтық қауымдастықты тартудың маңыздылығына тоқталып, урбанистердің идеяларын қолдады. Урбанистикадағы жаңа тәсілдер мен жаңа үрдістер қаланы дамытудың барлық жобасында байқалады.
"Азаматтардың серуендеуіне, демалуына өте көп аумақ қарастырылып жатыр. Тұрғындардың барлық тілегін ескеру маңызды", - деді аймақ басшысы.
Ол келесі жылдан бастап қала ландшафтын түрлендіру жобаларын жүзеге асыруға кірісу үшін жобалау-сметалық құжаттаманы дайындауды жеделдетуді тапсырды.
