Гүлмира Сатыбалдының іс-әрекетінен 6,6 млрд теңге залал келген – Антикор

© Sputnik / Рамиль СитдиковАрхивтегі фото
Архивтегі фото - Sputnik Қазақстан, 1920, 08.09.2022
Жазылу
НҰР-СҰЛТАН, 8 қыркүйек – Sputnik. Сыбайлас жемқорлыққа қарсы қызмет тұңғыш президенттің немере інісі Қайрат Сатыбалдының бұрынғы әйелі – Гүлмира Сатыбалдыға қатысты тергеуді жалғастырып жатыр.
Сондай-ақ күдіктінің бақылауындағы "Ария-Жаңа Астана" ЖШС компаниясының басшылығына және мемлекеттік органдардың лауазымды тұлғаларына қатысты объектілерді салуға бөлінген бюджет қаражатын жымқыру фактілері бойынша тергеу жүргізілуде.
"Бірнеше объекті бойынша іс жүзінде орындалмаған құрылыс-монтаждау жұмыстарына ақы төлеу нәтижесінде мемлекетке жалпы сомасы 3,9 милиард теңгеге аса ірі мөлшерде залал келтірілді", - делінген сыбайлас жемқорлыққа қарсы қызметтің хабарламасында.
Тергеу сатысында қабылданған шаралармен мемлекетке келтірілген залал толық өтелді.
Сонымен қатар Г.Сатыбалды мен оның сенімді тұлғаларына қатысты бірқатар кәсіпорынның қатысу үлестері мен активтерін заңсыз иелену, адам ұрлау және бас бостандығынан заңсыз айыру фактілері бойынша тергеу жүргізілуде.
"Жәбірленушілерге келтірілген залалдың алдын ала сомасы 6,6 милиард теңгеден асады", - деп хабарлады Антикор.
Күдіктілер уақытша ұстау абақтысында отыр. Тергеу жалғасуда.
Жаңалықтар
0