https://sputnik.kz/20220902/nur-sultanda-politsey-24-qabattan-sekirmek-bolgan-ayeldi-olimnen-qutqardy--video-27227885.html

Нұр-Сұлтанда полицей 24-қабаттан секірмек болған әйелді өлімнен құтқарды – видео

Нұр-Сұлтанда полицей 24-қабаттан секірмек болған әйелді өлімнен құтқарды – видео

Sputnik Қазақстан

НҰР-СҰЛТАН, 2 қыркүйек – Sputnik. Нұр-Сұлтанда учаскелік полицей 24-қабаттан секірмек болған келіншекті аман алып қалды. 02.09.2022, Sputnik Қазақстан

2022-09-02T16:27+0500

2022-09-02T16:27+0500

2023-08-09T12:22+0500

астана

https://sputnik.kz/img/07e6/09/02/27226129_0:0:3641:2048_1920x0_80_0_0_12bc0faec37acbbb4622822e3758c14c.jpg

НҰР-СҰЛТАН, 2 қыркүйек – Sputnik. Нұр-Сұлтанда учаскелік полицей 24-қабаттан секірмек болған келіншекті аман алып қалды.Қалалық полиция департаментінің баспасөз қызметі хабарлағандай, "102" жедел желісіне Уәлиханов көшесінің бойында әйел адамның 24-қабаттан секіруге оқталып жатқаны туралы куәгерлер хабарлаған. Оқиға орнына патрульдік көлік жіберілді.Бұл уақытта учаскелік инспектор Қуаныш Мирзаев өзінің әкімшілік учаскесінде болған. Оқиға туралы естіген бойда көрсетілген үйге жүгіріп жетіп, әлгі әйел аяғын салбыратып отырғанын және қауіпті қадам жасауына санаулы минут қалғанын көрген. Қуаныш Мирзаев жоғарғы қабатқа көтеріліп, техникалық қабаттағы кішкене терезе арқылы карнизге қарай өткен.Ол әйелге байқатпай жақындап келіп, оны қапсыра қатты құшақтап, ұстап тұрған. Ал әлгі әйел қатты жылап, қолдан шығып кетуге тырысқан. Полицей оны әңгімеге тартып, жұбатқан. Осы уақытта басқа подъезден құтқарушылар жеткен. Олар бірлесіп әйелді терезе арқылы қауіпсіз жерге кіргізген. Төменгі қабатта оны дәрігерлер күтіп тұрып, оған психологиялық көмек көрсетті.27 жастағы әйелдің өз-өзіне қол жұмсауына не итермелегенін полицейлер анықтап жатыр.

астана

2022

Жаңалықтар

kk_KK

астана