https://sputnik.kz/20220902/kolenke-uyaly-telefonzhatqan-bala-27214433.html
Желіде хит болған сурет: кілемде жатқан баланың анасы сұхбат берді
Желіде хит болған сурет: кілемде жатқан баланың анасы сұхбат берді
Sputnik Қазақстан
Фото Батыс Қазақстан облысының Қазталов ауданындағы Қараөзен аулында түсірілген 02.09.2022, Sputnik Қазақстан
2022-09-02T11:12+0500
2022-09-02T11:12+0500
2022-09-02T13:11+0500
желі
бала
сурет
https://sputnik.kz/img/07e6/09/02/27214651_0:443:645:805_1920x0_80_0_0_47f8661abceb13698e24a0b15eb9979a.jpg
НҰР-СҰЛТАН, 2 қыркүйек – Sputnik. Жаңа оқу жылының басталуымен желіде сан алуан қызықты фото мен видео кеңінен тарала бастады. Күні кеше мектептегі салтанатты шарада түсірілген бір сурет біраз адамның көңілін көтеріп жіберді. Костюм-шалбар киген кішкентай бала ұялы телефонынан көз алмай, оралып тұрған кілемге жатып алды. Біреулер "күннің көзінде тұрғанша, көлеңкеде жатқан дұрыс" десе, енді біреулер "ол баланың уақыты жоқ, президенттің жолдауын көріп жатыр" деп болжам жасады. Артынан оның ұялы телефонды отырып көрген фотосы тарап, қазақстандықтарды тағы күлкіге қарық қылды. Sputnik Қазақстан желіде танымал болған баланы тауып, анасынан кешегі оқиғаның мән-жайын білді.Мектептке әлі барған жоқ Суреттегі баланың аты – Жанасыл. Ал фото Батыс Қазақстан облысының Қазталов ауданындағы Қараөзен аулында түсірілген. Жанасылдың өзі әлі мектеп жасына жеткен жоқ, балабақшаға барып жүр. Білім күніне арналған салтанатты шараға ағасымен бірге барған. Анасы Бақытгүл Жақыпова да болды. "Менің тағы бір балам биыл 7-ші сыныпқа ауысты. Жанасыл бізбен бірге барған. Сол кезде шаршадым деп, отырып алып, артынан жатқан ғой. Соны түсіріп алыпты. Кімнің түсіргенін білмеймін. Әйтеуір, жан-жаққа тарап кетті. Ұялы телефоннан не көргенін білмейді екенмін", - дейді анасы. Бақытгүл сол мектепте аспаз болып жұмыс істейді. Жолдасы газ саласының маманы. Ал Жанасыл болашақта құрылысшы боламын дейді. Алты балам бар Жанасыл – үйдің кенжесі. Биыл төртке келді. Ерлі-зайыпты алты бала тәрбиелеп отыр."Ең үлкен қызымыз тұрмыста, одан кейінгі балам келін алды. Екі жылдай болып қалды. Үшінші қызым 8-ші сыныпта оқиды. Одан кейінгісі жаңағы 7-ші сыныпта оқиды деген Исламбек, сосын Ерасыл деген баламыз бар. Ол үшінші сыныпқа барды. Сосын кенжеміз - Жанасыл", - дейді Бақытгүл Жақыпова. Жанасыл барып жүрген балабақша мектептің жанында орналасқан. Оны үлкен ағалары апарып жүреді. Ал Жанасыл соларға қарап, кешегі шараға костюм киіп барамын деп шықты. "Иә, ол өзі костюм киіп барғысы келді. Сөйтіп, киіндіріп алып бардық. Олай танымал болады деп ойлаған жоқпыз", - деді анасы.
Sputnik Қазақстан
media@sputniknews.com
+74956456601
MIA „Rossiya Segodnya“
2022
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
желі, бала, сурет
Желіде хит болған сурет: кілемде жатқан баланың анасы сұхбат берді
11:12 02.09.2022 (жаңартылды: 13:11 02.09.2022) Эксклюзив
Фото Батыс Қазақстан облысының Қазталов ауданындағы Қараөзен аулында түсірілген
НҰР-СҰЛТАН, 2 қыркүйек – Sputnik. Жаңа оқу жылының басталуымен желіде сан алуан қызықты фото мен видео кеңінен тарала бастады. Күні кеше мектептегі салтанатты шарада түсірілген бір сурет біраз адамның көңілін көтеріп жіберді. Костюм-шалбар киген кішкентай бала ұялы телефонынан көз алмай, оралып тұрған кілемге жатып алды.
Біреулер "күннің көзінде тұрғанша, көлеңкеде жатқан дұрыс" десе, енді біреулер "ол баланың уақыты жоқ, президенттің жолдауын көріп жатыр" деп болжам жасады. Артынан оның ұялы телефонды отырып көрген фотосы тарап, қазақстандықтарды тағы күлкіге қарық қылды.
Sputnik Қазақстан желіде танымал болған баланы тауып, анасынан кешегі оқиғаның мән-жайын білді.
Суреттегі баланың аты – Жанасыл. Ал фото Батыс Қазақстан облысының Қазталов ауданындағы Қараөзен аулында түсірілген. Жанасылдың өзі әлі мектеп жасына жеткен жоқ, балабақшаға барып жүр. Білім күніне арналған салтанатты шараға ағасымен бірге барған. Анасы Бақытгүл Жақыпова да болды.
"Менің тағы бір балам биыл 7-ші сыныпқа ауысты. Жанасыл бізбен бірге барған. Сол кезде шаршадым деп, отырып алып, артынан жатқан ғой. Соны түсіріп алыпты. Кімнің түсіргенін білмеймін. Әйтеуір, жан-жаққа тарап кетті. Ұялы телефоннан не көргенін білмейді екенмін", - дейді анасы.
Бақытгүл сол мектепте аспаз болып жұмыс істейді. Жолдасы газ саласының маманы. Ал Жанасыл болашақта құрылысшы боламын дейді.
Жанасыл – үйдің кенжесі. Биыл төртке келді. Ерлі-зайыпты алты бала тәрбиелеп отыр.
"Ең үлкен қызымыз тұрмыста, одан кейінгі балам келін алды. Екі жылдай болып қалды. Үшінші қызым 8-ші сыныпта оқиды. Одан кейінгісі жаңағы 7-ші сыныпта оқиды деген Исламбек, сосын Ерасыл деген баламыз бар. Ол үшінші сыныпқа барды. Сосын кенжеміз - Жанасыл", - дейді Бақытгүл Жақыпова.
Жанасыл барып жүрген балабақша мектептің жанында орналасқан. Оны үлкен ағалары апарып жүреді.
Ал Жанасыл соларға қарап, кешегі шараға костюм киіп барамын деп шықты.
"Иә, ол өзі костюм киіп барғысы келді. Сөйтіп, киіндіріп алып бардық. Олай танымал болады деп ойлаған жоқпыз", - деді анасы.
