Синоптиктер жаздың соңғы күнінде қатты ыстық болады деп болжады

© Sputnik / Владислав ВодневАрхивтегі фото
Архивтегі фото - Sputnik Қазақстан, 1920, 30.08.2022
Жазылу
НовостиTelegram
НҰР-СҰЛТАН, 30 тамыз – Sputnik. 31 тамызда Қазақстанда ауа райы ала бұлтты, құрғақ болады деп божанып отыр. Тек солтүстік-батыста, елдің оңтүстік-шығысындағы таулы аймақтарда найзағай ойнап, жаңбыр жауады. Кей жерлерде жел күшейеді.
Қызылорда, Түркістан, Ақтөбе облыстарының басым бөлігінде, Атырау облысының батысында, оңтүстігінде, Батыс Қазақстан облысының оңтүстігінде, солтүстігінде, шығысында, Абай, Қостанай облыстарының оңтүстігінде төтенше өрт қаупі туындайды.
Күндіз Атырау, Батыс Қазақстан, Маңғыстау, Ақтөбе, Қостанай, Ұлытау, Қызылорда облыстарының басым бөлігінде қатты ыстық болады.
Дабылды ескерту
31 тамызда күндіз Батыс Қазақстан облысында желдің екпіні 15-20 м/с жетеді. Облыстың басым бөлігінде 38 градус ыстық болып, төтенше өрт қаупі туындайды.
Қызылорда, Жамбыл, Абай облыстарының басым бөлігінде төтенше өрт қаупі сақталады.
Атырау облысында күндіз 39 градусқа дейін қатты ыстық болады.
Түркістан облысының тау асуларында шығыстан 15-20 м/с жылдамдықпен жел соғады. Облыстың басым бөлігінде төтенше өрт қаупі сақталады.
Маңғыстау облысының басым бөлігінде 38 градус қатты ыстық болады. Облыстың оңтүстігінде өте жоғары өрт қаупі туындайды.
Солтүстік Қазақстан облысының солтүстік-батысында оңтүстік-батыстан соққан желдің екпіні 15-20 м/с жетеді.
Ірі қалалардағы ауа райы
Нұр-Сұлтанда көшпелі бұлт шығады, жауын-шашынсыз, күндіз 28-30, түнде 8-10 градус жылы.
Алматыда көшпелі бұлт шығады, жауын-шашынсыз, күндіз 29-31, түнде 15-17 градус жылы.
Шымкентте көшпелі бұлт шығады, жауын-шашынсыз, күндіз 33-35, түнде 16-18 градус жылы.
Жаңалықтар
0