Өңірлер

Орал тұрғыны 28 жылдан кейін "өлі" анасымен кездесті

© PhotoСпустя 28 лет жительница Уральска встретила "умершую" маму
Спустя 28 лет жительница Уральска встретила умершую маму - Sputnik Қазақстан, 1920, 28.08.2022
Жазылу
НовостиTelegram
Ол анасын өз қолына алып, енді ешқайда жібермейтінін айтты
НҰР-СҰЛТАН, 28 тамыз – Sputnik. Любовь Клейменованы сегіз жасында анасынан ажыратып, екі жылдан кейін оның қайтыс болғаны туралы құжатты көрсеткен. Сол уақыттан бері ол нағашы ата-әжесінің қолында өскен, деп жазды "Мой город" порталы.
Бұған дейін бірқатар БАҚ Орал тұрғыны "өлі" деп танылған анасын Ресейден ешбір құжатсыз тауып алғаны туралы жазды.
Любовь Клейменова балалық шағы өте ауыр өткені туралы айтып берді. Ол бейнебір қапаста өмір сүргендей болғанын, анасының аялы алақаны мен ыстық құшағын аңсағаны туралы әңгімеледі. Анасы Вера Чернояровамен өткен соңғы күнді мәңгі есінде сақтап қалған.
Араға 28 жыл салып ол анасын дін аман күйде тапты. Любовь Клейменова оны отанына қайтару үшін қолдан келгеннің бәрін жасады. Қазір анасы мен қызы бас қосты.
"Маған атаммен бірге сотқа барып, анамның қайтыс болғаны туралы куәлікті жарамсыз деп тануға тура келді. Себебі, маған қамқорлықты атам рәсімдеп, осы құжаттарды сол кісі дайындаған. Одан соң анама аттандым. Жол бой қатты қобалжыдым. Ал кездескен кезде екеуміз бір-бірімізді құшақтап, үнсіз жылап алдық. Сабырға келген соң, жай сұрастық, сөйлестік. Оны Астраханьдағы елшілікке алып бардым. Қазір ол менімен бірге үйде", - деді Любовь Клейменова.
Ол анасы қазір жаңа ортаға бейімделіп жатқанын, немерелерімен уақытты көңілді өткізіп жатқанын айтты. Любовь Клейменова анасын енді ешқайда жібермейтінін, өзі қамқор болатынын да атап өтті.
Жаңалықтар
0