https://sputnik.kz/20220825/bolat-nazarbaev-qansha-zheri-bar-27016485.html

Болат Назарбаевтың қанша жері бар екені белгілі болды

Болат Назарбаевтың қанша жері бар екені белгілі болды

Sputnik Қазақстан

Жер телімдерінің нарықтық бағасы жүздеген миллион доллар тұрады 25.08.2022, Sputnik Қазақстан

2022-08-25T10:16+0500

2022-08-25T10:16+0500

2022-08-25T10:20+0500

қоғам

жер

болат назарбаев

https://sputnik.kz/img/07e6/02/09/22654897_0:0:1200:675_1920x0_80_0_0_a463019a821b0af825b3f2780e60617b.jpg

НҰР-СҰЛТАН, 25 тамыз – Sputnik. Мәжіліс депутаты, Amanat партиясының мәжілістегі фракциясы жетекшісінің орынбасары Ерлан Сайыров Болат Назарбаевтың меншігінде қанша жер учаскесі барын айтты.Депутат "ығайлар мен сығайлардың" жемқорлық, протекция істерінен сабақ алуға шақырды."Болат Назарбаев деген азамат өткен кезеңде Қаскелең, Талғар, Түркістан облысы, Нұр-Сұлтан қалаларында коттедж қалашығы, әкімшілік ғимарат, базар салу үшін 244 гектар тұратын 59 жер телімін алған деген ақпарат бар. Сол кісінің фамилиясына берілген қағаздар менің қолымда", - деп мәлімдеді Сайыров әлеуметтік желідегі парақшасында.Айтуынша, жер телімдерінің нарықтық бағасы жүздеген миллион доллар тұрады."Ал цифрлық даму министрлігінің дерегіне сүйенсек, 2 миллионнан аса азамат 10 сотық жер ала алмай телміріп жүр. Бұл неткен әлеуметтік әділеттілік? Конституциядағы теңдік принциптері қайда? Осындай әлеуметтік диспропорция халықтың ызасын туғызатыны сөзсіз. Біз түсінуіміз керек, мұндай бұраудың міндетті түрде сұрауы болады", - дейді Amanat партиясының мәжілістегі фракциясы жетекшісінің орынбасары.Сайыров партиялық кеңес аппаратына "Жер аманаты" комиссиясымен бірігіп осы мәселемен терең айналысуға тапсырма берді.Бұған дейін бұқаралық ақпарат құралдарында Болат Назарбаевтың ауруханада жатқан фотосы мен арбада отырған видеосы тараған еді. Белгілі болғандай, ол жеті жылдан бері онкологиялық аурумен күресіп келеді. Биыл тұңғыш президенттің інісі 69 жасқа толды.

2022

Жаңалықтар

kk_KK

жер, болат назарбаев