Өңірлер

Қазақстанның солтүстігінде күн жылынады

CC0 / StockSnap / Архивтегі сурет
Архивтегі сурет - Sputnik Қазақстан, 1920, 22.08.2022
Жазылу
НовостиTelegram
Қазгидромет синоптиктері алдағы үш күндегі ауа райына болжам ұсынды
НҰР-СҰЛТАН, 22 тамыз – Sputnik. Алдағы күндері республиканың солтүстігінде күн жылынады деп болжанып отыр.
"Қазақстанның басым бөлігі аз қозғалатын антициклонның ықпалында болады. Соның әсерінен бұлт сейіліп, күн сәулесі еліміздің солтүстік өңірлеріндегі суық ауаны жылыта бастайды", - деді синоптиктер.
Елдің солтүстігінде, шығысында және оңтүстік-шығысында атмосфералық фронт әсерінен күн күркіреп, жел күшейеді. Республиканың солтүстігінде, шығысында және орталығында түнде топырақ бетінде 2 градус үсік жүреді және тұман түседі.
Ауа температурасы күндіз батыста +30+35°С, солтүстік-батыста +23+33°С болады, республиканың солтүстігінде ауа температурасы +17+25 градустан +23+30°С-қа дейін, орталықта +15+22 градустан +20+31°С дейін, шығысында +13+21 градустан +20 +28°С-қа дейін көтеріледі. Ал елдің оңтүстігінде ауа температурасы +27+32°С, оңтүстік-шығысында +20+28°С болжанып отыр.
Ірі қалалардағы ауа райы
23 тамызда Нұр-Сұлтанда күн ашық, түнде +13, күндіз +21 градус жылы.
Алматыда да ертең күн ашық, түнде +16, күндіз +28 градус.
Шымкентте де ауа райы жауын-шашынсыз, түнде +19, күндіз+32 градус ыстық.
Жаңалықтар
0