Нұр-Сұлтанда мектептердің 98 проценті бес күндік оқуға көшеді – министрлік

© Photo : Пресс-служба акима Алматы Компьютер сыныбы
Компьютер сыныбы - Sputnik Қазақстан, 1920, 22.08.2022
Жазылу
НовостиTelegram
НҰР-СҰЛТАН, 22 тамыз – Sputnik. Нұр-Сұлтан қаласында 148 мектепте білім алатын 216 мыңнан астам оқушы бес күндік оқу аптасына көшеді, деп хабарлайды Sputnik Қазақстан оқу-ағарту министрлігіне сілтеме жасап.
Ресми мәліметке сәйкес, бұл барлық мектептің 98 процентін құрайды.
Осылайша оқушылармен бірге 21 мыңнан астам мұғалім де сенбі күні демалады. Ал үш ауысымды 4 мектеп әзірше алты күндік оқу форматында қалады.
Айта кетері, дәстүрлі Тамыз кеңесінде оқу-ағарту министрі Асхат Аймағамбетов сенбі мектеп мұғалімдері үшін ресми демалыс күні болатынын айтқан.
"Бұл әріптестерімізге сабаққа дайындалып, уақытты отбасымен бірге өткізуге мүмкіндік береді. Мұның балаларға берер артықшылықтары бар, енді олардың да көбірек бос уақыты болады. Біз бұл мәселені ерекше бақылауға алдық", - деді Аймағамбетов.
архив - Sputnik Қазақстан, 1920, 22.08.2022
Білім
Алматы мен Солтүстік Қазақстанда 200 мыңнан астам оқушы бес күндік оқуға көшеді
Жаңалықтар
0