https://sputnik.kz/20220820/bestobe-zhigit-qazasyna-derek-26880595.html
Бестөбедегі жас жігіттің қазасы: мәйітін қапқа салып, аулаға тастап кеткен
Бестөбедегі жас жігіттің қазасы: мәйітін қапқа салып, аулаға тастап кеткен
Sputnik Қазақстан
НҰР-СҰЛТАН, 20 тамыз – Sputnik. Бестөбе кенішінде қаза тапқан жас жігіттің мәйітін қапқа салып, Солтүстік Қазақстан облысындағы үйінің ауласына тастап кеткен... 20.08.2022, Sputnik Қазақстан
2022-08-20T11:22+0500
2022-08-20T11:22+0500
2022-08-20T11:22+0500
өңірлер
жігіт
https://sputnik.kz/img/07e5/09/1e/18282211_0:120:1280:840_1920x0_80_0_0_5c12868de8201b0ebe6d7082d34ba66c.jpg
НҰР-СҰЛТАН, 20 тамыз – Sputnik. Бестөбе кенішінде қаза тапқан жас жігіттің мәйітін қапқа салып, Солтүстік Қазақстан облысындағы үйінің ауласына тастап кеткен, деп хабарлайды КТК телеарнасы.23 жастағы Дмитрий Шевченко әлеуметтік желіден хабарландыру көріп, Бестөбеге жұмыс іздеп барған. Жақында ол өлі күйінде табылды деген ақпарат шықты.Сөйтсе, біреулер мәйітін қапқа салып, Солтүстік Қазақстандағы Кутузовка ауылына апарып тастаған. Ата-анасының пайымдауынша, ұлдары жерастында жасалған жарылыстан қаза болды. Өйткені іш-құрылысы ақтарылып, сүйегінің сау тамтығы қалмаған.Қазір полиция жабық кеніштерде заңсыз алтын іздеумен айналысқан топты тауып, тергеуді бастады.Дмитрийдің ата-анасы оны шахталардың біріне жұмысқа заңды түрде орналасты деп ойлаған. Өйткені ол жұмыс берушіні ғаламтордан іздеп тауып, 400 шақырым жердегі Бестөбеге аттанған. Сөйтсе олар бригада құрып, жиналған азаматтарды жер астына алтын іздеуге жіберетіндер екен."Тапқан олжаларын сыртта тұрып жинап алады", - дейді марқұмның туысқандары.Бұл жолы да бір топ адам ашық жатқан ескі кенішке түскен. Жарылғыш зат қолданғанда Дмитрий қаза тауыпты. Үш адам оның денесін көлікке салып, ауылға әкеліп тастаған. Мүрдесін үйіне кіргізіп, туысқандарына көңіл айтуға да жарамаған үшеу кетісімен, Шевченколар полиция шақырған.Бұл жағдайдан оқиға болған Степногор қаласының полициясы да бейхабар екен. Жер астында жасалған жарылыстан бір жігіт қаза тапса да, оқиға орнына не полиця, не жедел жәрдем шақырмаған. Ал "жұмыс берушілер" мәйітті Жигулиге салып, марқұмның ауылына бір-ақ тартқан. Қазір құзырлы органдар оларды тергеуге алды."Шахталардың бірінде қайтыс болған 23 жастағы азамат Солтүстік Қазақстан облысы, Айыртау ауданының тумасы. Алған дене жарақаты ауыр болған. Қазір күзетілетін нысанға заңсыз кірді деген баппен қылмыстық іс қозғалып, сотқа дейінгі тергеу басталды. Сот-медициналық сараптама тағайындалды", - деді Ақмола облысы ПД баспасөз қызметінің жетекшісі Гүлнәр Пинчук.Адам өлімі болған жерде заңсыз әрекет еткен үшеуге қатысты да тергеу жүріп жатыр. Ал әскерден жуырда ғана борышын өтеп келгеннен кейін, тепсе темір үзетін ұлының жұмыс тапқанына жүрегі жарыла қуанған ата-ана бүгін оны ақтық сапарға шығарып салды.
Sputnik Қазақстан
media@sputniknews.com
+74956456601
MIA „Rossiya Segodnya“
2022
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
жігіт
НҰР-СҰЛТАН, 20 тамыз – Sputnik. Бестөбе кенішінде қаза тапқан жас жігіттің мәйітін қапқа салып, Солтүстік Қазақстан облысындағы үйінің ауласына тастап кеткен, деп хабарлайды
КТК телеарнасы. 23 жастағы Дмитрий Шевченко әлеуметтік желіден хабарландыру көріп, Бестөбеге жұмыс іздеп барған. Жақында ол өлі күйінде табылды деген ақпарат шықты.
Сөйтсе, біреулер мәйітін қапқа салып, Солтүстік Қазақстандағы Кутузовка ауылына апарып тастаған. Ата-анасының пайымдауынша, ұлдары жерастында жасалған жарылыстан қаза болды. Өйткені іш-құрылысы ақтарылып, сүйегінің сау тамтығы қалмаған.
Қазір полиция жабық кеніштерде заңсыз алтын іздеумен айналысқан топты тауып, тергеуді бастады.
"Қапқа салып алып, ит сияқты әкеліп тастады. Далдұл болған өлі денесін көріп есіміз шығып кетті. Мұндайды кім күткен?! Олар осы топтың басшылары. Сонда қалай, өз бетінше өлікті артып алып, әкеліп тастап жүре беретін ол кімдер? Жарылғыш затты ресми түрде жұмысы жоқтарға кім берген сонда? Базарда сатылмайды ғой. Бұл нағыз қауіпті бизнес болғаны ғой", - дейді марқұмның ағасы Андрей Шевченко.
Дмитрийдің ата-анасы оны шахталардың біріне жұмысқа заңды түрде орналасты деп ойлаған. Өйткені ол жұмыс берушіні ғаламтордан іздеп тауып, 400 шақырым жердегі Бестөбеге аттанған. Сөйтсе олар бригада құрып, жиналған азаматтарды жер астына алтын іздеуге жіберетіндер екен.
"Тапқан олжаларын сыртта тұрып жинап алады", - дейді марқұмның туысқандары.
Бұл жолы да бір топ адам ашық жатқан ескі кенішке түскен. Жарылғыш зат қолданғанда Дмитрий қаза тауыпты. Үш адам оның денесін көлікке салып, ауылға әкеліп тастаған. Мүрдесін үйіне кіргізіп, туысқандарына көңіл айтуға да жарамаған үшеу кетісімен, Шевченколар полиция шақырған.
Бұл жағдайдан оқиға болған Степногор қаласының полициясы да бейхабар екен. Жер астында жасалған жарылыстан бір жігіт қаза тапса да, оқиға орнына не полиця, не жедел жәрдем шақырмаған. Ал "жұмыс берушілер" мәйітті Жигулиге салып, марқұмның ауылына бір-ақ тартқан. Қазір құзырлы органдар оларды тергеуге алды.
"Шахталардың бірінде қайтыс болған 23 жастағы азамат Солтүстік Қазақстан облысы, Айыртау ауданының тумасы. Алған дене жарақаты ауыр болған. Қазір күзетілетін нысанға заңсыз кірді деген баппен қылмыстық іс қозғалып, сотқа дейінгі тергеу басталды. Сот-медициналық сараптама тағайындалды", - деді Ақмола облысы ПД баспасөз қызметінің жетекшісі Гүлнәр Пинчук.
Адам өлімі болған жерде заңсыз әрекет еткен үшеуге қатысты да тергеу жүріп жатыр. Ал әскерден жуырда ғана борышын өтеп келгеннен кейін, тепсе темір үзетін ұлының жұмыс тапқанына жүрегі жарыла қуанған ата-ана бүгін оны ақтық сапарға шығарып салды.
