Әлемде маймыл шешегінен 12 адам көз жұмды

© AP Photo / Eugene HoshikoМужчина в маске переходит дорогу
Мужчина в маске переходит дорогу  - Sputnik Қазақстан, 1920, 17.08.2022
Жазылу
НовостиTelegram
НҰР-СҰЛТАН, 17 тамыз – Sputnik. Қазірдің өзінде 92 елде 35 мың адам маймыл шешегіне шалдығып, 12 адам қайтыс болды, деп хабарлады РИА Новости Дүниежүзілік денсаулық сақтау ұйымының (ДДСҰ) басшысы Тедрос Адханом Гебрейесуске сілтеме жасап.
"Қазіргі таңда 92 елде маймыл шешегіне шалдыққан 35 мың науқас тіркелді. 12 адам қайтыс болды. Ауру әсіресе Еуропада ушығып тұр. Ерлермен жыныстық қатынасқа түскен ер адамдар көп зардап шегіп жатыр", - деді ДДСҰ басшысы баспасөз конференциясында.
Гебрейесус 23 шілдеде маймыл шешегі індетін денсаулық сақтау саласындағы төтенше жағдай деп жариялады, бірақ ол Еуропадан басқа әлемнің барлық аймағына қатты қауіп төндірмейтінін атап өтті.
Маймыл шешегі – адамдар арасында да таралатын сирек кездесетін вирустық инфекция. Әдетте бұл жеңіл өтетін ауру, көптеген адам бірнеше апта ішінде жазылып кетеді, бірақ кейбір адамдардың дерті асқынып кетуі мүмкін.
Аурудың белгілері 5-21 күнде көріне бастайды. Олар: дене қызуы, бас ауруы, бұлшық ет пен арқаның ауырсынуы, дененің қалтырауы және лимфалық түйіндердің үлкеюі. 1-3 күннен кейін бөртпе шығады. Алдымен бетке, одан кейін бүкіл денеге таралады. Бөртпенің іші суға толып, артынан іріңдейді. Сосын қабыршақтанып түседі. Сол жерде тыртық немесе пигмент қалуы мүмкін. Науқас 2-4 аптаның ішінде жазылып шығады.
Жаңалықтар
0