https://sputnik.kz/20220815/akim-shopyr-pater-26723688.html

Бұрынғы әкімнің шопыры пәтерін мемлекетке қайтарды

Бұрынғы әкімнің шопыры пәтерін мемлекетке қайтарды

Sputnik Қазақстан

НҰР-СҰЛТАН, 15 тамыз – Sputnik. Алматы облысының бұрынғы әкімі Амандық Баталовтың көлігін жүргізген ер адам тұрғын үй қорынан алған пәтерін қайтарды, деп... 15.08.2022, Sputnik Қазақстан

2022-08-15T21:16+0500

2022-08-15T21:16+0500

2022-08-15T21:16+0500

пәтер

https://sputnik.kz/img/757/51/7575160_0:99:1280:819_1920x0_80_0_0_c8056e2a0bc1ca9a5f9b09d3baa43309.jpg

НҰР-СҰЛТАН, 15 тамыз – Sputnik. Алматы облысының бұрынғы әкімі Амандық Баталовтың көлігін жүргізген ер адам тұрғын үй қорынан алған пәтерін қайтарды, деп хабарлайды Sputnik Қазақстан.Бұған дейін Талдықорған қаласының әкімі Әсет Масабаев арнайы мониторингтік топ құрып, бұрын таратылған пәтерлерге инвентаризация жасауды тапсырды. Тексеріс кезінде 1 066 пәтерді бергенде заң талаптары бұзылғаны анықталды. Әкімдік 37 пәтерді мемлекетке қайтарды. Оған иелік еткендердің арасында қазіргі және бұрынғы мемлекеттік қызметшілер бар. Алматы облысының бұрынғы әкімін тасыған көлік жүргізушісіне де қызметтік пәтер заң бұзушылықпен берілген."Николай деген көлік жүргізуші қаланың 8-ші шағын ауданынан алған бір бөлмелі пәтерін тұрғын үй коммуналдық қорына қайтарды. Ол баспана қызметтік қажеттілік үшін рәсімделген. Кілтін өз еркімен тапсырды", - дейді әкімдіктің баспасөз хатшысы Мәди Шәкенов.Қазіргі кезде комиссияның шешімімен қайтарылған 11 пәтер көпбалалы отбасыларға және мүгедектерге кезек бойынша үлестірілді.

2022

Жаңалықтар

kk_KK

пәтер