Нұр-Сұлтан маңындағы ауылда белгісіз зат жарылып, ер адам көз жұмды

© Photo : МЧС РКТайтөбедегі жарылыс
Тайтөбедегі жарылыс - Sputnik Қазақстан, 1920, 14.08.2022
Жазылу
НовостиTelegram
НҰР-СҰЛТАН, 14 тамыз – Sputnik. Елорда іргесіндегі ауылдың 41 жастағы тұрғыны белгісіз заттың жарылуы салдарынан көз жұмды. Тағы екі адам зардап шекті: марқұмның бауыры мен оның төрт жасар ұлы ауруханада жатыр, деп хабарлайды Sputnik Қазақстан.
Қайғылы оқиға жексенбі, 14 тамыз күні Ақмола облысы, Целиноград ауданы, Тайтөбе ауылында болды.
© Photo : МЧС РКТайтөбедегі жарылыс
Взрыв в Тайтобе - Sputnik Қазақстан, 1920, 14.08.2022
Тайтөбедегі жарылыс
"Жеке тұрғын үйдің аумағында әкелінген көмірді сұрыптау кезінде белгісіз зат жарылған. Оқиға салдарынан 1981 жылы туған үй иесі оқиға орнында қайтыс болды. Сондай-ақ үй иесінің 1977 жылы туған ағасы және оның төрт жастағы ұлы Нұр-Сұлтан қаласындағы 2 ауруханаға түйрелген-кесілген жарақатпен ауруханаға жеткізілді", - деп хабарлады облыстың төтенше жағдайлар департаментінің баспасөз қызметі.
Қазіргі уақытта полиция қызметкерлері жедел іздестіру шараларын жүргізіп жатыр.
"Бұған дейін БАҚ-та газ-ауа қоспасы жарылғаны туралы ақпарат тараған. Бұл алдын ала ақпарат болды, кейін расталмады", - деп толықтырды ведомстводағылар.
Жаңалықтар
0