Қазақстанның әуе компаниялары Қытай мен Өзбекстанға рейс санын көбейтуді сұрады


Ұшақ - Sputnik Қазақстан, 1920, 10.08.2022
Жазылу
НовостиTelegram
Пандемияға байланысты осы елдер арасындағы рейстердің саны айтарлықтай қысқарып, бұл билет бағасына әсер етті
НҰР-СҰЛТАН, 10 тамыз – Sputnik. Қазақстандық ірі әуе компаниялары Air Astana, SCAT және Qazaq Air елдің авиация билігінен Қытай, Өзбекстан және Пәкістанға ұшатын рейстер санын көбейтуге ықпал етуді сұрады.
Қазақстанның азаматтық авиация комитетінің әуе тасымалдаушылармен өткен онлайн кездесу қорытындысы бойынша таратқан баспасөз релизінде көрсетілгендей, бұл бағыттарға сұраныс артып отырғанымен, оны қанағаттандыру әзірше мүмкін болмай отыр.
Мысалы, карантиннің жалғасуына байланысты Қытайда бүгінде аптасына үш рейс қана орындалады, бірақ пандемияға дейін 40-тан астам рейс ұшқан. Аз ұсыныс жағдайында жоғары сұраныс болуы әуе билеттерінің құнына әсер етті.
"Біз Қытайдың авиация билігіне рейс санын көбейту туралы ұсыныспен бірқатар хат жаздық. Сондай-ақ өзбек әріптестерімізге жаңа бағыттар мен рейстер ашу туралы ұсыныс жіберілді, қазір жауап күтіп отырмыз. Жақын арада біз Қытай, Өзбекстан және Пәкістанның авиациялық билігімен тағы да байланысып, өзекті мәселелерді талқылаймыз", - деді Азаматтық авиация комитеті төрағасының орынбасары Салтанат Томпиева.
Қазіргі уақытта халықаралық рейстер аптасына 518 рейс жиілігімен 115 бағыт бойынша 28 елде орындалады. Әзербайжан, Армения, Беларусь, Ұлыбритания, Германия, Греция, Грузия, Мысыр, Үндістан, Иран, Италия, Катар, Қытай, Кувейт, Қырғызстан, Мальдив аралдары, Моңғолия, Нидерланды, Біріккен Араб Әмірліктері, Польша, Ресей Федерациясы, Сауд Арабиясы, Тәжікстан , Таиланд, Түркия, Өзбекстан, Чехия және Оңтүстік Корея әуе қатынасы реттелген мемлекеттер қатарында тұр.
2022 жылдың бірінші жартыжылдығында қазақстандық әуе компаниялары халықаралық бағыттар бойынша 1,2 миллион адамды тасымалдады. Бұл өткен жылдың сәйкес кезеңімен салыстырғанда (0,7 миллион) 60%-ке көп.
Жаңалықтар
0