Видео

Mega Silk Way-дегі жаппай эвакуациялау: шын мәнінде не болды – видео

Жазылу
НовостиTelegram
Елордадағы ірі сауда және ойын-сауық орталығынан өрт-тактикалық оқу-жаттығу кезінде екі мыңға жуық адам эвакуацияланды
Екінші қабатта орналасқан ауданы 80 шаршы метр болатын бутиктердің бірінде электр сымдарының қысқа тұйықталуы нәтижесінде өрт шықты. Қызыл жалын одан әрі іргелес үй-жайларға жайылды. Міне, "Mega Silk Way" СОО-дағы өрт-тактикалық оқу-жаттығулары осындай сценариймен өтті.
Нұр-Сұлтан қаласы төтенше жағдайлар департаменті өрт сөндіру қызметінің бастығы Назарәлі Селимовтың айтуынша, оқу-жаттығу міндеттерін іске асыру үшін өрттің туындау ықтималдығы жоғары орындар таңдалады.
"Мұндай оқу-жаттығуларда ең үлкен өрт жүктемесі бар және өртті сөндіру қиын болатын жерлер, яғни осы ғимараттың орталығында орналасқан орындар таңдалады. Біздің қызметкерлеріміз, әсіресе жастар үшін оқыту кезінде осындай оқу-жаттығуларды өткізу кезінде өрт сөндіру қызметінің барлық күші мен құралдарын барынша іске қосуға мүмкіндік бар", - деді Назарәлі Селимов.
ТЖД мәліметінше, сауда және ойын-сауық орталығынан 1 946 адам, оның ішінде қызмет көрсетуші персонал да эвакуацияланды.
Оқу-жаттығуға барлығы жеке құрамнан 35 адам және 10 бірлік техника жұмылдырылды.
Толығырақ видеода.
Жаңалықтар
0