https://sputnik.kz/20220810/almaty-oblysynda-zhauynger-nagrada-26627626.html

Алматы облысында қаза тапқан жауынгер наградаға ұсынылды

Алматы облысында қаза тапқан жауынгер наградаға ұсынылды

Sputnik Қазақстан

Оқиғаның мән-жайы анықталуда, қызметтік тергеу басталды 10.08.2022, Sputnik Қазақстан

2022-08-10T11:30+0500

2022-08-10T11:30+0500

2022-08-10T11:30+0500

алматы облысы

жауынгерлер

мемлекеттік наградалар

https://sputnik.kz/img/25/29/252908_0:53:1025:629_1920x0_80_0_0_cb294944b8f0af123d3b95d1d6bac337.jpg

НҰР-СҰЛТАН, 10 тамыз – Sputnik. Алматы облысында қатты дауыл кезінде қаза тапқан қатардағы жауынгер Алмас Шахимов мемлекеттік наградаға ұсынылды, деп хабарлайды Sputnik Қазақстан. Далалық оқу-жаттығу кезінде қаза тапқан жауынгерді марапаттау туралы ұсыныс бас қолбасшылыққа жіберілген. Қай наградамен марапатталатыны шешіледі. Марқұмның денесі туған жері - Көкшетау қаласына жіберіледі. Ал отбасына материалдық көмек көрсетіледі. Айта кетері, 5571 әскери бөлімінің жауынгерлік даярлық жоспарына сәйкес жедел мақсаттағы 1-батальонның жеке құрамы 8-13 тамыз аралығында далалық оқу-жаттығуға шыққан. 9 тамызда сағат 20.55 шамасында қатты дауыл басталып, жел соғып, тігілген шатырлар қирай бастаған. Қатардағы жауынгер Алмас Шахимов әріптестерін қауіпсіз жерге эвакуациялауға көмектесіп жүрген. Сол кезде шатырдың металл жақтауына басын соғып, жарақат алған. Оған медициналық көмек көрсетіліп, жауынгер Қонаев қаласындағы ауруханаға жеткізілген. Бірақ ауруханада қайтыс болды. "Өзінің жанқиярлық іс-әрекеттерімен қатардағы жауынгер А.Н.Шахимов жолдастарын құтқарып қалды. Алайда өзі басынан ауыр жарақат алды", - делінген ресми хабарламада. Оқиғаның мән-жайы анықталуда, қызметтік тергеу басталды. Дауыл кезінде тағы 14 әскери жарақат алған. Қазіргі кезде барлығы сапқа қайта оралған.

алматы облысы

2022

Жаңалықтар

kk_KK

алматы облысы, жауынгерлер, мемлекеттік наградалар