Алаяқтық жасаған екі әскери қызметшінің ісі сотқа жіберілді

© Sputnik / Болат ШайхиновЗдание военного суда РК в Астане
Здание военного суда РК в Астане - Sputnik Қазақстан, 1920, 10.08.2022
Жазылу
НовостиTelegram
Қазіргі кезде тараптар қылмыстық іспен танысып жатыр
НҰР-СҰЛТАН, 10 тамыз – Sputnik. Әскери-тергеу органдары алаяқтық жасаған әскери қызметшілерге қатысты екі қылмыстық істің өндірісін аяқтады, деп хабарлайды Sputnik Қазақстан бас әскери прокуратураға сілтеме жасап.
Павлодар облысында ұлттық қауіпсіздік комитетіне қарасты шекара қызметінің бұрынғы әскери қызметшісі автокөліктерді төмен нарықтық бағамен сатамын деп, 29 миллион теңгеге алаяқтық жасаған. Облыстық гарнизонның әскери прокуратурасы осы қылмыстық істің материалдарын 22 шілдеде сотқа жіберген.
Ал ұлттық ұланның келісімшарт бойынша әскери қызметшісі смартфондарды төмендетілген бағамен сатып алумен айналысып, адамдарды 97 миллион теңгеге алдап кеткен. Қазіргі кезде тараптар қылмыстық іспен танысып жатыр.
Жақын арада оны да әскери сотқа жолдайды.
Осы орайда әскери прокуратура органдары халықты күмәнді тауарлар мен қызметтерді сатып алу кезінде сақ болуға кеңес берді.
Жаңалықтар
0